Page 425 - U.S.Moem "Seçilmiş əsərləri"

Seçilmiş əsərləri

Ledi Frederik (Gülümsəyərək). Beşcə dəqiqə dözə
bilərəm, xüsusən, əgər siqaretə qonaq eləsəniz.

Kapitan Montqomeri. Buyurun.
(O, portsiqarı ona uzadıb sonra siqaretini alışdırır).
Ledi Frederik. (Dərin qullab vuraraq). Əsl mən istə-
yəndi.
Kapitan Montqomeri. Demək istəyirdim ki, səhər
tezdən vəkilimdən məktub almışam. O, elə bu günlərdə
mənim adıma Krouli qəsrini alıb.
Ledi Frederik. Belə de. Gözəl yerlərdi. İmkan olsa,
məni də qonaq çağırarsınız.
Kapitan Montqomeri. Əgər orada həmişəlik qal-
mağa razılıq versəydiniz, məni xoşbəxt edərdiniz.
Ledi Frederik (Ona ani baxışla). Belə təklifi almaq
çox xoşdu, amma mən hələ uzun müddət Londonda qal-
maq istəyirəm.
Kapitan Montqomeri (Gülümsəyərək). Mənim Port-
men-skverdə də çox gözəl evim var.
Ledi Frederik (Heyrətlə). Doğrudan?
Kapitan Montqomeri. Gələn seçkilərdə isə Parla-
mentə üzv olmaq niyyətindəyəm.
Ledi Frederik. Britaniyanı idarə eləmək, yəqin, çox
xoş məşğuliyyətdi: ləyaqətli və yerini bilən üçün.
Kapitan Montqomeri. Ledi Frederik, mən dövlət
qulluğunda olsam da, şəxsi işlərimi də pis aparmıram.
Odur ki, nəm-nüm eləməyə öyrəncəli deyiləm, sözü
birbaşa deməyi xoşlayıram. İstəyirəm, mənə ərə gələ-
siniz.
Ledi Frederik. Nə yaxşı ki, siz uzun-uzadı tarixçə
düzüb-qoşmursunuz. Mənə çox xoşdu, amma elə bili-
rəm, bu təklifi qəbul eləmək iqtidarında deyiləm.
Kapitan Montqomeri. Səbəb nədi?
Ledi Frederik. Mən axı sizi qəti tanımıram.
Kapitan Montqomeri. Onda gəlin bizim ailə həya-
tımızı tanışlıqdan başlayaq. Bu, ikimizin də xeyrinə olar.

425