Page 412 - U.S.Moem "Seçilmiş əsərləri"

yam Somerset Moem

Admiral. Bu tərəfini bilmirəm, amma mən dediyim
sözün yiyəsiyəm.

Ledi Frederik. Lap gözəl. Beşcə dəqiqədən sonra
deyəcəksiniz ki, Cerald sizin gözəl Rouzla evlənə bilər.

Admiral. Yox, bir də yox.
Ledi Frederik. Bu inadkarlıq nəyə lazımdı? Bu
inadkarlıq qəti sizə yaraşmır.
Admiral. Bu, inadkarlıq deyil. Bu, qətiyyətdi.
Ledi Frederik. Dərinə getsək, Ceraldın yaxşı
cəhətləri də az deyil. O, sizin qızınıza sadiqdi. Düzdü,
bir az dəli-doludur, amma bu xasiyyət istənilən gəncə
ləkə gətirməkdən çox, yaraşıq verir.
Admiral (Kobudluqla). Belə de, mənə taxta kürəkən
lazım deyil.
Ledi Frederik. O evlənən kimi dərhal nümunəvi ərə
çevriləcək.
Admiral. O axı qumarbazdı, mən bununla barışa bil-
mərəm.
Ledi Frederik. Əgər o, bir də karta əl vurmayaca-
ğına söz versə necə? Nədən siz belə çürükçüsünüz?
Məni qəbrə uzatmaq istəyirsiniz?
Admiral (Həvəssiz). Mən bax, belə eləyəcəm. Əgər
o, bir il kart oynamasa, bu izdivaca razılıq verəcəm.
Ledi Frederik. Siz lap ürəksiz. (Qeyri-ixtiyari olaraq
onun boynuna sarılıb öpür. Admiral hiss olunacaq qədər
heyrətlənib.) Üzr istəyirəm, özümü saxlaya bilmədim.
Admiral. Bax, bunun qəti əleyhinə deyiləm.
Ledi Frederik. Doğru sözümdü, müəyyən mənada
siz heyrətamiz insansınız.
Admiral. Siz belə hesab eləyirsiniz?
Ledi Frederik. Bəli, məhz belə.
Admiral. Mən istərdim ki, evlilik təklifi şəxsən sizin
dilinizdən səslənsin.
Ledi Frederik. Mənə gəlincə, əziz admiral, ümid-
lərim çoxdan həyatda çəkdiklərimə qurban gedib. Uşaq-
lara demək lazımdı. (Çağırır.) Cerald bura gəl. Rouz!

412