Page 404 - U.S.Moem "Seçilmiş əsərləri"

yam Somerset Moem

dünyada gördüklərimə heç də layiqli kompensasiya
deyil.

Foulds. Mən elə bilirdim ki, o, müflisləşmənin
biraddımlığındadı, amma gözlənilmədən özünə yeni
ekipaj alır. Sən ciddi o fikirdəsən ki, Çarli onunla
evlənmək üçün əldən gedir?

Ledi Mereston. Azca da şübhəm yoxdu.
Foulds. Bəs məndən nə istəyirsən?
Ledi Mereston. Tanrı xatirinə bu izdivaca mane
olmağını. Bir də ki, Çarlinin cəmiyyətdə çox gözəl möv-
qeyi var, onu parlaq karyera gözləyə bilər. Hətta baş
nazirə qədər! Belə bir oğlanın belə bir qadınla evlən-
məsinə necə imkan vermək olar?
Foulds. Əlbəttə, sən ledi Frederiki tanıyırsan, eləmi?
Ledi Mereston. Əziz Paradayn, biz onunla çox
gözəl münasibətlərdəyik. Niyə axı mən onu davaya təh-
rik eləyim? Yaxşısı budur, mən onu səninlə birlikdə na-
hara dəvət eləyim.
Foulds. Belə işlərdə qadınların kişilər qarşısında,
şəksiz, üstünlüyü var. Vicdan əzabı deyilən şey qadın-
lara yaddı, üstəlik, onlar Corc Vaşinqton kimi yalan da-
nışmağa həmişə hazırdılar.
Ledi Mereston. Mənim gözümdə o qadın səfilin
birisidi. Mən sənə açıq deyirəm: oğlumu onun caynaq-
larından xilas eləmək üçün hər yola gedəcəm.
Foulds. Yalnız əsl mərhəmətli qadın ən naqis üsul-
larla belə istəyinə mütləq nail olacağını bu cür sakitcə
bəyan eləyə bilər.
Ledi Mereston (Ona baxaraq). O qadının həyatında
mütləq nəsə qaranlıq məqamlar olmalıdır. Əgər dərinə
getsəm...
Foulds (Yumşaq tərzdə). Hər halda, mən sənə necə
kömək eləyə bilərəm?

404