Page 309 - U.S.Moem "Seçilmiş əsərləri"

Seçilmiş əsərləri

Marta (Mari-Luizaya baxır). Yəqin, lançda cəmi bircə
sendviç yeyib.

(Qırxyaşlı, hündür, qədd-qamətli bir kişi daxil olur.)
Con. İlahi, özün kömək ol, heç vaxt bu qədər ca-
maatı bir yerdə görməmişəm. Mənim sevimli qayına-
nam necədi?
Missis Kalver. Şikayəti yoxdu.
Con (Missis Kalveri və Barbaranı öpür). Bilirsən, anası
mənə gəlmədiyinə görə Konstansı aldım.
Missis Kalver. Özümdən iyirmi yaş balaca birisinə
ərə getmək üçün o vaxt mən çox gənc idim.
Konstans. Amma aranızdakı yaş fərqi Conla gəz-
məyinə mane olmazdı. Xoşbəxtliyinizdən, mən qısqanc
deyiləm.
Con. Bu günün necə keçdi, əzizim?
Konstans. Mari-Luizayla mağazaları gəzmişik.
Con (Mari-Luizanın əlini sıxır). Gün aydın. Lança da bir
yerdə getdiniz?
Marta. Yox, Mari-Luizanı kavaleri dəvət eləyib.
Con. Kaş o kavalerin yerində mən olaydım. (Mari-
Luizaya) Necəsən? Yüz ildi, səni görmürəm.
Mari-Luiza. Evdə tapılırsan ki. İndi Konstansla mən,
demək olar ki, bir-birimizdən ayrılmırıq.
Con. Bəs sənin varlı-karlı ərin?
Mari-Luiza. Elə indicə onunla danışırdım. Belə mə-
lum oldu ki, bu axşam Birmingemə getməlidir.
Konstans. Onda naharı bizdə eləyərsən.
Mari-Luiza. Çox sağ ol, amma elə yorulmuşam ki.
Yaxşı olardı ki, yumurta yeyib özümü çarpayıya yıxım.
Con. Konstans, elə indicə sənə demək istəyirdim ki,
nahar eləməyəcəm. Təcili əməliyyatım var. Kəskin ap-
pendisit.
Konstans. Nə pis oldu.
Marta. Sənin çox gözəl sənətin var, Con. Əgər bir
yerə getmək istəsən, elə bircə təcili əməliyyatım var, de-

309