Page 90 - Migel Delibes "Seçilmiş əsərləri"

deyim ki, keşişsiz bir monastırda elә bil nümunәvi

tәsәrrüfat müdirәsidi, – bu, mәhz mәn axtardığımdı.

Sizdәn nә gizlәdim, bu qadının mәrhum bacımın

yerinә gәlmәsi mәnә olmazın әzab verdi. Eloinanın sәyi,

tәsәrrüfatı idarәetmә qabiliyyәti hәr adamda ola bilmәz-

di. Bacımın sağlığında iş elә bil öz-özünә görülürdü,

kiminsә nәsә elәdiyi hiss olunmurdu. İsti-soyuq demә-

dәn artıq sәhәr saat yeddidәn ayaq üstәydi, mәni oyat-

maqdan çәkinә-çәkinә otaqların havasını dәyişirdi, bu

da elә çәtin deyildi, deyәsәn Sizә әvvәl yazmışdım,

özüm dә heç bilmirәm neçә illәrdi yatanda qulaqlarımı

tıxayıram. Mürgülü-mürgülü, hәr halda, bәzi sәslәri du-

yuram, ancaq bu zәif sәslәr narahat elәmәkdәn çox,

mәnә yuxu gәtirirdi. Düz on ikinin yarısında o, barmaq-

larının ucunda otağıma girir, pәncәrә taxtalarını açıb,

yatağıma sәhәr yemәyi gәtirirdi: limonlu çay, yağ

çәkilmiş bir dilim qızardılmış çörәk vә marmelad.

90 Dövlәt Departamentinin dәvәtiylә jurnalistlәrin tәrki-
bindә Birlәşmiş Ştatlara sәfәrdәn sonra, mәnim işimә

daha çox uyğun gәlәn amerikan rejiminә keçmәyә çalış-

dım, ancaq tezliklә bundan imtina elәyәsi oldum.

Sәhәrin ilk saatlarında mәdәm hәlә zәif olur vә hәtta

qızardılmış qarğıdalını da hәzm etmәk iqtidarında deyil,

yumurtadan heç söz açmağa dәymәz. Buterbrodla çay –

mәdәmin etiraz etmәdәn qәbul etdiyi yeganә şey budur.

Ancaq Amerikada, hәr şey yeni olduğuna, şәraiti dәyiş-

diyimә, ya qayğısız yaşadığıma görәmi, – sәhәr vetçina

ilә iki yumurta, xәmir xörәyi yeyir, bir fincan südlü

qәhvә içirdim, heç bir hәzm problemim dә olmurdu.

Mәdәmi bu cür doydurandan sonra, hәtta gün әrzindә

buterbrod belә yemәdәn özümü axşam saat yeddinin

yarısına – yemәk vaxtına rahatca çatdırırdım. Bu da Sizin

üçün qayda: orda norma olan, burda işә keçmir. Niyә

belәdi? Bilmirәm. Əgәr yuxudan duran kimi, o cür

yesәm, elә bil mәdәmә sement dolduraram – dünya gö-

zümdә qaralar.