Page 374 - Migel Delibes "Seçilmiş əsərləri"

yaratdığı başgicәllәnmә keçmişdi vә camaatda süstlük,
biganәlik әmәlә gәlmişdi, hәtta bәzilәri darıxıb çiynini
çәkir, bәrkdәn әsnәyirdi; belә ki, don Eskolastiko Xamo-
nes әhlinin mәdәniyyәtә olan sevgisindәn nә qәdәr çox
danışırdısa, onu daha az dinlәyirdilәr, camaat açıq, ya
gizlin şәkildә meydanı tәrk edib, döngәlәrә, dalanlara
dağılışırdı, gün vuran bir yer tapıb siqaret çәkәrәk söh-
bәtlәşirdilәr. Ona görә dә gәrginlikdәn sәsi gәrlәşmiş,
nәfәsi tәngimiş alkald beş dәqiqә sonra barmaqlarının
ucuna qalxıb, öz yerlilәrindәn razılıq istәyәndә ki,
“Madriddәn gәlmiş elmli adamlar, bizim hörmәtli qon-
aqlar Aradasda qazıntını davam etdirsinlәr”, meydanda
iyirmi nәfәr, o cümlәdәn, arxeoloqlarla Repey qalmışdı.
Vә başqası da yox, mәhz Repey qoltuqağacını yuxarı
qaldırıb kәndin adından razılığını bildirdi:

– Mәnә gәlincә, qoy başlasınlar, senyor alkald!
Don Eskolastiko ümumi razılığı görmәk üçün, hәr
halda, bir daha qarşısına vә böyür-başına baxdı, ancaq
374 tәkәmseyrәk tamaşaçıların laqeydliyini, onların sakit,
darıxdırıcı sifәtlәrini görüb, yığıncağı mәrasimә uyğun
sözlә bitirdi:
– Etiraz elәyәn yoxdusa, şura Aradas tәpәsindә
qazıntı aparmağa icazә verir.
Kristino gözlәrini qıyıb, Xeronimoya tәrәf әyildi:
– Bu işdәn gözüm heç su içmir.
Xeronimo әsәbi halda çiynini çәkdi:
– Bәs sәn nә gözlәyirdin? Gözlәyirdin diz çöküb
bizdәn üzr istәyәcәklәr? Bizә bircә o lazımdı ki, mane
olmasınlar, bizi rahat buraxsınlar, vәssalam! Üç gündәn
sonra burdan üç lig1 uzaqda olacağıq, adları da yadına
düşmәyәcәk.
Alkald qoşqudan zorla endi, baş barmaqlarını
gicgahına qoyub uçmağa hazırlaşırmış kimi, qalan bar-
maqlarını mәzәli şәkildә oynatdı.

1 Lig – 5572 metrə bərabər uzunluq ölçüsü