Page 18 - Migel Delibes "Seçilmiş əsərləri"

İstәdim onu başa salım ki, bu, elә şey deyil, ancaq
öz işindәydi – yadında qalmayan dükançılardan danışır-
dı. Nә isә, sonrakı günlәr dә mәndә xüsusi bir dәyişiklik
görmәyәndә, Aurita başladı yeri gәldi-gәlmәdi, ağlayıb-
sızlamağa ki, Robineti ondan әziz tutmağıma dözә
bilmir.

X

Davisito, xahiş elәyirәm, özünü mәnim yerimә qoy.

Gümanlar, ürәyәdammalar... Doğrusu, bundan artıq heç

nә. Arvadım mәnim әleyhimә, sәhhәtim mәnim әley-

himә, hamı mәnim әleyhimә, mәnsә öz bildiyimdәn әl

çәkmirәm. Eyni şöbәdә işlәdiyim Sançes dә hәyәcanımı

hiss elәyib, bir dәfә dedi: “Ehtiyatlı ol, Lenuar. İdefiksә1

uyma, boşqarına idefiksin axırı yaxşı olmur”. Düzü, qorx-

dum, Davisito, axı doğrudan da, çox hәyәcanlanırdım, amma

18 get-gedә müәmmalar qorxunu üstәlәdi vә qәrara aldım
ki, Robineti tapana qәdәr axtarım.

Auritaya heç nә demәdәn, hәr axşam işdәn sonra

yağlıbaşın çaxır zirzәmisinin әtrafındakı küçәlәri dolaşmağa

başladım. Auritaya dedim ki, bizdә debet kreditlә düz

gәlmir, doğrudan da, belә şeylәr tez-tez olur vә bizi çox

lәngidir. Axşamların birindә boş yerә gәzmәkdәn bezib,

zirzәminin qapısını itәlәyәrәk içәri girdim.

– Axşamınız xeyir, – yağlıbaş barmenә dedim.

– Xoş gәlmisiniz, – dilucu cavab verdi.

– Bәs Robinet hanı?

– Robinet nәyinizә lazımdı?

Davisito, xidmәtә görә pul vermәyә hazırıydım vә

duronu onun ovcuna qoydum. O, qәhqәhә çәkib duronu

başımın üstündә yellәmәyә başladı. Birdәn qışqırdı:

– Robineti minib çapmaq istәyirsinizsә, özünüz

axtarın, onun mәnә pisliyi dәymәyib.

1 İdefiks – başdan çıxmayan fikir