Page 148 - Migel Delibes "Seçilmiş əsərləri"

çox ağırdı, amma enerjini cilovlamalısan. Bu, ölümcül

deyil, yoxsa bir ay әvәzinә üç-dörd ay yataqda qalmalı

olarsan. Vәziyyәt ciddidi. Ancaq tam dinclik şәraitindә

vә lazımi qidalanma rejiminә әmәl etmәklә fәsadlar

tәdricәn aradan qalxar vә orqanizm normaya düşәr.

Vaxtaşırı qan analizi verirsәnmi? Mәn ona dözә

bilmәzdim. Düşünmәk belә dәhşәtlidir ki, bәdәnim,

saçlarımın ucuna qәdәr gәlib çatan bütöv bir suvarma

qan şәbәkәsi infrastrukturasının sayәsindә yaşayır.

Bütün klapanların pozulmadan işlәmәsi, damarların

(onların bәzisi sap kimi nazikdi) tutulmaması mәnә әsl

möcüzә kimi görünür. Ancaq tәsәvvürünә gәtir ki,

tamamilә yad bir adam orqanizmin işinә qarışır, rezinlә

sıxıb venamı şişirdir, ona iynә soxub, hәşәrat kimi

qanımı sorur – bircә elә bunu fikirlәşәndә, az qalır ürә-

yim getsin.

Petriylә olan münasibәtimi, qoy sәnә izah elәyim:

148 onunla evlәnmәmәyim heç dә o sәbәbdәn olmayıb ki,
mәrhum bacım Eloina mәnim azadlığımın keşiyindә

durmuşdu. Özünü qurban vermiş Eloinaya bu yolla

naşükürlük elәyәcәyim qorxusuna görә dә deyildi. Ba-

laca Petriylә aramızda bacımın tәcrübәsi sayәsindә

sәrhәdi keçmәyәn mәsum bir vurğunluq varıydı. Rosio,

nikah vә subaylıq vәrdiş mәsәlәsindәn başqa bir şey

deyil. Ona görә, mәncә, yeganә möhkәm nikah – islaho-

lunmaz subay evlәnәndә olur. Niyә? Çox sadә. Köhnә

vәrdişlәri tәrgitmәk üçün çox vacib sәbәblәr olmalıdı.

Əgәr islaholunmaz subay müstәqilliyә vә xudbinliyә

әsaslanan öz әvvәlki hәyat tәrzini birdәn dәyişirsә,

demәli, onun üçün hәr şeydәn vacib, özündәn dә vacib

kiminsә olmasıdı. Hansı sәbәblәrin sәnә olan sevgimin

gücündәn danışmağa mәni mәcbur etdiyini indi başa

düşürsәnmi? Petri, әyri-üyrü dişlәri olan bu dәmdәmәki

kukla indiki hisslәri heç vaxt mәndә oyatmayıb, bu isә

indiyәcәn heç vaxt sevmәdiyimin etirafına bәrabәrdi.