Page 124 - Migel Delibes "Seçilmiş əsərləri"

meyil ürәyimi bulandırır. Qoltuğun altını qırxmayıb
çimәrliyә getmәk – çirkli dırnaqla gәzmәk kimi bir şeydi.
Yeri gәlmişkәn, hansı rәngdә lakdan istifadә edirsәn?
Şәkildә rәnglәr, adәtәn aldadıcı olur vә sağ әlinin dır-
naqlarının (sol әlinin yalnız içi görünür) göyümtül
rәngini ya plyonkanın (sәmanın göylüyü dә hәddindәn
artıq qatı, az qala tünd-sürmәyi rәngdәdi), ya görünür,
yenicә çıxdığın suyun nisbәtәn soyuq olmasının hesa-
bına yazmaq istәyirәm. Xahiş edirәm, bu mәqamı aydın-
laşdırmağı unutmayasan. Mәn çәhrayi, әt rәnginә
üstünlük verirәm, göy rәng kimi qondarma rәnglәr,
mәncә, hәddindәn artıq әcaibdi.

Keçәn mәktubda sәnin dәrin barәdә, onun gün
işığını özünә hopdura bilmәk keyfiyyәtindәn yazmış-
dım. Şәklә baxdıqca, bu xüsusiyyәt mәni daha çox
heyran edir. Sәnin dәrin mәhz mәnim sevdiyim saf qızıl
rәnginә çalır. Tutqun, sarıya çalan, zәnci qaralması –
çimәrlik әhlinin nәsibidi, belәlәrinin sayı-hesabı yoxdu.
124 Ancaq sәndә müşahidә etdiyim yumşaq, yüngül tunc
rәng çılpaq bәdәnә zәriflik bәxş edir. Bu da hamısı deyil.
Kişilәr var ki, gün dәymәmiş ağ bәdәni xoşlayır. Mәn
onlardan deyilәm. Günәş bәdәni müxtәlif qatılıqda
rәnglәmәklә qabarıq yerlәri seçdirir, onları cilalayıb
mükәmmәllәşdirir. Şәkildә öz döşlәrinә fikir ver. Döşlәri
ayıran kölgәli çuxur, piqmentasiyanın çalarını dәyişәrәk
tәdricәn aydınlaşır vә son hәddә çatanda yenә kölgә-
lәnәrәk yavaş-yavaş tutqunlaşır. Əgәr qadının bәdәni
qabarıqdısa, günәş onu xüsusi olaraq nәzәrә çarpdırır;
günәş – qadın gözәlliyini mükәmmәlliyә çatdıran әn eti-
barlı müttәfiqdi.

Ancaq, Rosio, demәliyәm ki, sәnin şәklinlә tәsәlli
taparkәn, başqa şeyә görә kәdәrlәnirәm. Dünәn tele-
viziya Sevilyada qırx dәrәcә isti olduğunu, yayın siz tә-
rәflәrdә isti keçәcәyini dedi. Bunu eşidәndә, hәr gün
әzizlәyә-әzizlәyә dәrini qızılı rәngә boyayan insafsız
günәşә sәni qısqandım. Onun niyә belә imtiyazları
olmalıdı? Ona olar, mәnә yox?