Page 123 - Migel Delibes "Seçilmiş əsərləri"

mış yaşlı həyat aşiqinin məktubları

әyilib, qövs şәklindә qabarıq sağrıya qovuşan kürәkdi. MİGEL DELİBES SEÇİLMİŞ ƏSƏRLƏRİ
Şәkildә yanpörtü dayandığından, heyif ki, kürәyin yax-
şı görünmür, intәhası, başqa keyfiyyәtlәri diqqәtә alan- 123
da, inanıram ki, Tanrı bu yerdә dә öz mәrhәmәtini
sәndәn әsirgәmәyib.

Daha bir sual: yanındakı adamlar kimdi? Nәvәn
orda yoxdu? Alabәzәk topla dayanmış oğlan uşağının
yanında әynindә çimәrlik paltarı olan gәnc qız görürәm.
Bәlkә, sәnin qızındı? Arxada özlәrini quma basdırıb,
gözlәrini sәnә zillәmiş iki adam, ön planda bir gәnc
(bizim jurnalist Federiko deyil ki?), sәnin kölgәnә görә
cinsini tәyin elәyә bilmәdiyim ondan böyük daha birini
görürәm. Hәr biri haqqında әtraflı öyrәnmәk istәyәrdim.
Lap sonuncu sual: şәkil hansı çimәrlikdә çәkilib?

Elә hәyәcanlıyam, dizini qoyduğun quma da paxıl-
lığım tutur.

Sәnin qızğın pәrәstişkarın,
E.S.

2 avqust

Sevimlim mәnim!
Bizim artan yaxınlığımız ona gәtirib çıxarıb ki,
hәmişә hәsrәtini çәkdiyim sığınacağım mәni sıxmağa
başlayıb, hәrdәn lap dözülmәz olur. Nәylә mәşğul olu-
ramsa olum, – evdә oturum, gәzim, “qurbağa”, ya “şar”
oynamağa gedim, bostanı sulamağa düşüm, – heç yerdә
rahatlıq tapmıram. Yalqızlıq mәni lap sıxanda, sәnin
şәklinә (әlbәttә, axırıncı göndәrdiyinә) tapınıram vә
hәyatda heç bir mәşğuliyyәtdәn almadığım bir lәzzәtlә
ona baxıram. Bu gün sәnin tәmiz qırxılmış, nәmli,
kölgәli, sintetik ağ çimәrlik paltarınla kәskin tәzad tәşkil
elәyәn qoltuğunun altındakı çökәyә bir xeyli tamaşa
etdim. Qadında işvәni xoşlayıram. İşvә – әzәli qadın
xüsusiyyәtidi vә gәnclәrdә cinsi bildirmәyәn modaya