Page 98 - alberto moravia_Макет 1

Alberto Moravia

tutmaq, tәyyarәlәrlә bombalamaq vә toplardan atәş yağdırmaq
üçün әvvәlcә döyüş sahәsini raketlәrlә işıqlandırırlar. Ancaq
hәmin anlarda mәnә elә gәldi ki, bu, ilahi әlamәtdir – Madonna
mәnә işarә verib demәk istәyir ki, dualarım eşidilib, bundan
sonra hәr şey yoluna düşәcәk.
Әslindә, bu dua-sәna barәdә danışmaqla, Rozettanın xarak-
terini göstәrmәk istәyirәm. İndiyәcәn qızımın xasiyyәti haqda,
demәk olar, heç nә danışmamışam. Doğrudur, sonradan
xasiyyәti dәyişdi, amma o vaxtlar qız hәlә püxtәlәşmәmişdi,
biz dağlara gәlәndә elә bil başqa dünyanın adamıydı. Mәlum
mәsәlәdir, analar öz uşaqları barәdә hәr şeyi bilә bilmәz.
Ancaq bir şeyi dәqiq bilirәm – әvvәlki Rozettayla indiki
arasında yer-göy fәrqi var. Rozettaya yaxşı tәrbiyә vermişdim,
ağa qızı kimi böyütmüşdüm, nazını çәkmişdim. Mәn dinә çox
da bağlı adam deyilәm, baxmayaraq ki, bütün qaydalara әmәl
etmәyә çalışıram. Bu mәsәlәylә bağlı birmәnalı söz deyә
bilmәrәm. Mәsәlәn, o axşam, maçeranın üstündә mәnә elә
gәlirdi ki, Tanrıya inanıram, ancaq Romadan qaçmağa mәcbur
olduğumuz günlәrdә bunu iddia edә bilmәzdim. İstәnilәn
halda, din mәnә gerçәk dünyanı unutdura bilmәz – hәyat çox
zaman rahiblәrin söylәdiklәrini alt-üst edir, onların izahlarıyla
düz gәlmir. Amma Rozetta belә şeylәrin fәrqindә deyildi. Dini
doqmalara heç bir şәkk-şübhәsi yox idi, tәrәddüd-filan bilmirdi.
O, heç vaxt din haqqında danışmazdı, onun üçün din –
ciyәrlәrimizә çәkdiyimiz hava kimi bir şey idi. Bәlkә dә, ona
görә ki, qızım on iki yaşına kimi monastırda tәrbiyә almışdı,
sәhәrdәn-axşamacan rahibәlәrlә bir yerdә olurdu, evә yalnız
gecәlәmәyә gәlirdi. Ola bilsin, bu, onun tәbiәtindәn irәli
gәlirdi, hәr halda, birmәnalı demәk çәtindir. Nә isә, mәhz
indi, tamamilә dәyişilәndәn sonra, onun ovaxtkı xasiyyәtini
dumanlı xatırlayıram. Bir şey dәqiq yadımdadır: onda hәrdәn
mәnә elә gәlirdi ki, Rozetta kamil insandır; әn qәrәzli adam
da onda heç bir әskiklik tapa bilmәz. O, hәlim, sözünә düz,

98