Page 94 - alberto moravia_Макет 1

Alberto Moravia

Sacayağının yanındakı kötüyә әylәşdik. Paride asetilen
lampasını yandırdı, otaq işığa qәrq oldu. Sacayağının üstündәki
kiçik qazanda nәsә buğlanırdı.
Әri Rusiyada olan Anita zarafatla dedi:
– Yaxşıdır da, Paride, sәkkiz qızın arasında tәksәn, hansını
istәyirsәn seç.
Paride qımışdı:
– Amma bu xoşbәxtlik uzun sürmәyәcәk.
Paridenin qoca anası özünәxas bәdbinliklә söhbәtә qarışdı:
– Uzun sürmәyәcәk? Biz ölüb gedәcәyik, amma müharibә
qurtarmayacaq.
Luiza böyük gil kasanı laxlayan stolun üstünә qoydu,
sonra çörәk götürdü vә onu sinәsinә sıxıb, xırda-xırda doğramağa
başladı. Tezliklә kasa ağzınacan çörәk qırıntıları ilә doldu.
Sonra qazanı ocağın üstündәn götürüb, içindәki hәlimi kasaya
tökdü; Konçettagildә yediyimiz minestrina alındı – lobya
hәlimindә isladılmış çörәk. Hәlimi çörәyә hopana kimi Luiza
daxmanın ortasına iri lәyәn qoydu, sonra sacayağının yanında
közün üstünә qoyulmuş sәhәngi әyib, onu isti suyla doldurdu.
Otaqdakılar hәrәkәtә gәlib, ayaqqabılarını soyunmağa başladı.
Üzlәrindә elә ifadә vardı, elә bil vacib bir işlә mәşğul idilәr.
Әvvәlcә neylәmәk istәdiklәrini başa düşmәdim, sonra gördüm
Paride çirk bağlamış ayaqlarını lәyәnә qoyur. Başa düşdüm
ki, şәhәrlilәr yemәkdәn qabaq әllәrini yuduğu kimi, bütün
günü palçıqlı torpaqda işlәyәn kәndlilәr dә ayaqlarını yuyur.
Hamısı birlikdә yuyur, suyu isә dәyişmirdilәr. Ona görә dә
lәyәndәki su şokolad rәngi almışdı. Tәkcә Rozettayla mәn
ayaqlarımızı yumadıq. Balacalardan biri uşaq sadәlövhlüyü
ilә soruşdu:
– Bәs siz niyә yuyunmursunuz?
Paridenin qaşqabaqlı anası (o da ayağını lәyәnә salmamışdı)
bizim әvәzimizә cavab verdi:
– Bu sinyoralar Romadan gәliblәr. Onlar bizim kimi
torpaqda işlәmirlәr.

94