Page 88 - alberto moravia_Макет 1

Alberto Moravia

görә dә pul ödәyәcәyimi dedikdәn sonra razılaşdı. Adyalı da
yox idi… Bizә dedi ki, adyal әvәzinә öz qara plaşını verә
bilәr, ancaq buna görә әlavә pul ödәmәliyik. Belәliklә, hәr
xırda şey üçün çәnәlәşmәli olduq. Nәhayәt, ondan su bardağı,
dәsmal, qab-qacaq, hәtta bir stul da ala bildik. Stulda növbәylә
oturacaqdıq. Bütün bunları Paridedәn, az qala, dişimlә,
dırnağımla qoparırdım, söz verdim ki, hәr birinә görә ayrıca
pul ödәyәcәyәm. Axırda soruşdum ki, bәs yemәyi harada
hazırlayacağıq?
– Biz harada, siz dә orada, – cavab verdi.
Mәtbәx bir qәdәr aşağıda, alt tәrәfimizdәki maçerada
yerlәşirdi. Divarları daşdan idi, külәşlә örtülü damı üzüüstә
çevrilmiş qayığı xatırladırdı. Bu cür tikililәri çox görmüşdüm:
belә yerlәrdә, adәtәn, mal-qara vә lәvazimat saxlayırlar. Bir
az sәy göstәrsәn, belәsini bircә günә tikә bilәrsәn: әvvәlcә
daşları necә gәldi bir-birinin üstünә düzüb, divar hörürsәn,
sonra çәpәrlәnmiş oval formalı sahәdә iki paralel dirәk
ucaldırsan, dirәklәrin üstünә çatı vurursan, üzәrinә dә külәş
sәrirsәn. Belәcә, dam örtüyü әmәlә gәlir. Belә tikililәrin
pәncәrәsi olmur, içәri girәndә başını әymәli, az qala, ikiyә
qatlanmalı olursan.
Mәtbәxin girәcәyindә divardan vedrә asılmışdı. Paride
vedrәnin içindәki yekә çömçәni suyla doldurub başına çәkdi,
sonra çömçәni mәnә verdi. Mәn dә su içәndәn sonra içәri
girdik. Gözüm toranlığa alışmamışdı deyә әvvәlcә heç nә
sezmәdim: dediyim kimi, komada pәncәrә yox idi, Paride isә
içәri girәn kimi qapını örtmüşdü. O, şüşәsiz çırağı yandırandan
sonra otağa göz gәzdirmәyә başladım. Tapdanıb bәrkimiş
torpaq döşәmәnin ortasında sacayaq qoyulmuşdu. Sacayağının
üstündә kiçik, qara qazan vardı. Başımı qaldırıb gördüm ki,
tavandan sosiska bağlamaları, hisә vermәk üçün qan kolbasaları
asılıb. Yeni il yolkasının bәzәk-düzәyinә oxşayan qurum saçaq -
la rı tavanı bürümüşdü. Ocağın qırağına kötüklәr düzülmüşdü.

88