Page 77 - alberto moravia_Макет 1

Çoçara

Paride başını aşağı salıb boynunun dalını qaşıdı vә dedi ki,
evinin yanında daxmaya bәnzәr kiçik bir tikili var, ancaq ora
toxuma dәzgahı qoyub; çox lazımdırsa, müvәqqәti olaraq,
orada qala bilәrik.
– Görürsәn? – Tommazino dedi, – yer tapıldı… sadәcә bir
az fikirlәşmәk lazım idi… Paride, sәn işindә ol, sinyoraları
arvadınla özüm tanış elәyәrәm.
Onlar bir az da söhbәtlәşdilәr, sonra Paride kotanın yanına
qayıtdı, bizsә cığırla yolumuza davam etdik. Çox getmәdik,
tәxminәn on beş dәqiqәdәn sonra terras üzәrindә yarımdairә
şәklindә tikilmiş üç kiçik ev gördük. Evlәrdәn әn böyüyü
ikiotaqlı idi, arxa divarları dağın yamacına söykәnmişdi. Bu
cür evlәri çox vaxt kәndlilәrin özü tikir, heç bәnnanın kömәyinә
dә ehtiyac qalmır, özü dә burada yaşamırlar, yalnız yatmağa
gәlirlәr – gündüzlәr kәndlilәr torpaq sahәlәrindә işlәyir,
yağışdan isә komalarda gizlәnir, elә orada da dincәlirlәr. Koma
qurmaq isә ev tikmәkdәn dә asandır: bircә gecәdә kәndlilәr
daşdan divar hörür, üstünü külәşlә örtürdülәr. Burada belә ko-
malar çox idi. Kәnardan baxanda bu evlәr vә komalar kiçik
kәndi xatırladırdı. Bәzi komaların bacasından tüstü qalxırdı –
deyәsәn, xörәk bişirirdilәr. Digәr komalardan samanlıq vә ya
pәyә kimi istifadә olunurdu. Kiçik evlәrin arasındakı dar
maçeralarda vurnuxan adamlar gözә dәyirdi. Yaxınlaşanda
gördük ki, açıq havada, maçeranın kәnarında böyük bir stol
açılıb. Stolun üstünә süfrә salınmış, boşqablar vә stәkanlar
düzülmüşdü, әtrafına isә stul әvәzinә kötüklәr qoyulmuşdu.
Adamlardan biri Tommazinonu görәn kimi onun qarşısına
yüyürdü:
– Vaxtında gәlmisәn, gәl bizimlә әylәş.
Bu, Filippo idi, Tommazinonun qardaşı. Mәn bu vaxtacan
bir-birinә bu qәdәr oxşamayan iki qardaş görmәmişdim: Tom-
mazino dili qarnında, qaşqabaqlı, qaradinmәz, qapalı adam
idi, hey dırnaqlarını gәmirir, yerә baxa-baxa yeriyirdi. İşi-

77