Page 565 - alberto moravia_Макет 1

Məclis

– Adi mәclis budur?
– Hә dә. De Ancelis piroq gәtirәcәk, Tolomei yemәk, De
Santis hindtoyuğu, Kroçani dә içki – çaxır vә şampan…
– Bәs biz?
– Biz dә ora Yeni il tortu aparmalıyıq.
Dinmәdim. Arvadım әl çәkmәdi:
– Bunun nәyi pisdi ki?! Әla düşünüblәr. Yaxşı, deyim ki,
biz dә gәlirik?
Piştaxtanın böyründә oturub Milad tәbriklәri olan açıqçaları
gözdәn keçirirdim.
– Mәnә elә gәlir ki, bu mәclis o qәdәr dә insaflı düşünül -
mә yib, – handan-hana dillәndim. – Bilirsәn niyә? De Ancelisin
dü kanında piroq var, Kroçaninin dükanında – çaxır, Tolomeinin
düka nında – yemәk, De Santisin dükanında – hindtoyuğu. Bәs
mәndә nә var? Heç nә. Demәli, onlar gәtirmәlidir, mәnsә
alma lıyam. Hә, dediyin o tortu mәn gedib hardansa almalıyam.
– Nolsun? Axı onlar da öz malları üçün pul xәrclәyiblәr,
bu pul onların mayasından gedir, yoxsa dükanda heç nә bitmir
ki… Burada nә var axı, Ecisto? Sәn elә hәmişә belәsәn.
Hәmişә inad edirsәn, höcәtlәşirsәn, qınayırsan, hamıdan ağıllı
görünmәk istәyirsәn. Sonra da gileylәnirsәn ki, işlәr pis gedir.
Bir sözlә, әmәlli-başlı çәkişdik. Axırda mübahisәni kәsmәk
xәtrinә dedim:
– Yaxşı, qoy sәn deyәn olsun. Kroçaniyә dә çatdır ki,
mәclisә gәlәcәm… Olsun, biz tort gәtirәrik!
Onda arvadım mәslәhәt gördü ki, iri tort alım, әn azından,
ikikiloluq. Mümkün qәdәr yekә olsun ki, biabır olmayaq. Söz
verdim ki, elәsini alaram.
Yeni il әrәfәsini hәmişәki kimi keçirdim – tәbrik açıqçaları
vә körpә İsanın bağçası tәsvir edilmiş karton fiqurlar satdım;
qonşularım isә bәs deyincә cücә vә hindtoyuğu, pirojna vә
әriştә, likör vә bahalı çaxır, pendir vә vetçina. Qiyamәt alverlәri

565