Page 557 - alberto moravia_Макет 1

Bəstəboy

qızın hәlә necә gözlәri, necә ağzı vardı! Nazik topuqlar, nazik
bilәklәr. Sәsi mәlәk sәsi kimi incә, qәlbi dә, cüssәli qadınlara
xas xalis uşaq qәlbi! Yәni demәk istәyirәm, çox utancaqdı, o
dәrәcәdә ki, hәr hansı kişinin baxışlarını hiss edәn kimi qızarıb
üzünü yana çevirirdi. Utancaqlığı ürәyimcә olsa da, di gәl,
işlәri әmәlli-başlı çәtinlәşdirirdi.
Axşam elektrik cihazları dükanımı bağlayıb şam elәyәndәn
sonra dostlarımla çaxır dükanına gedirdim. İri zalın divarı
boyunca çaxır şüşәlәri piramida şәklindә düzülmüşdü, içәridә
bir neçә balaca masa vә “ayaqüstü” çaxır satışı üçün piştaxta
vardı. Adәtәn, hәmişә içkili olan Teodoro masaların arasında
gәzişir, gah bunun, gah onun masasında otururdu. Elye
müştәrilәrә xidmәt edirdi, qara önlüklü Marçella isә salonun
dәrinliyindәki piştaxtanın arxasında dayanıb, içәri “tezbazar”
girib-çıxanlara çaxır satırdı. Kimә desәn, inanmaz ki, dükana
baş çәkdiyim bütün ay әrzindә Marçella, bir dәfә dә olsun,
başını qaldırıb mәnә baxmadı. Mәnsә qәsdәn piştaxta ilә
üzbәüz oturub onunla göz-gözә gәlmәyә, baxışını tutmağa
çalışırdım. Dostlar kart oynayır, hәrәyә yarım litr, bir litr çaxır
içib zarafatlaşır, dükan bağlanana qәdәr oradan-buradan gap
edirdilәr. Teodoro masanın birindәn durub o birindә otururdu,
özünü dә elә aparırdı ki, guya hәr işi o görür, hәr şey ondan
asılıdı; halbuki içib çәllәyini doldurmaqdan, bir dә kart
sıxmaqdan savayı, işi-peşәsi yox idi. Elye ilә Marçella
müştәrilәrә xidmәt göstәrirdi, mәnsә gündәn-günә qıza daha
çox vurulur, sapı qırılmış marionetka kimi stulda dartına-
dartına әbәs yerә çalışırdım ki, diqqәtini cәlb edim. Yaxınlaşmaq
üçün fәrli bir bәhanә tapmırdım, o da piştaxtanın dalından
çıxmaq bilmirdi. Әgәr tәk olsaydım, bәlkә, söhbәt salmağa nә
cürsә bir yol tapardım, amma dostlar yaxınlıqdaydı, özlәri dә
mәsәlәdәn duyuq düşmüşdülәr, mәni bir an dinc buraxmırdılar.
Mәn qıza tәrәf baxan kimi, istehza ilә soruşurdular:
– Nә baxırsan, hә, nә baxırsan? Birdәn udarsan ha onu.
Yaxşısı budur, karta bax, ya da öz stәkanına.

557