Page 555 - alberto moravia_Макет 1

BӘSTӘBOY

Bәstәboy olmaq әcәb işmiş! Hamı sәni әlә salıb rişxәnd
elәyir. Ucaboy kişilәr yalnız qamәtlәrinә görә yanımızda
özlәrini ağıllı sayır, qadınlar isә uşaq yerinә qoyub, bizә ciddi
yanaşmırlar. Mәsәl var ki, çaxırın yaxşısı balaca çәllәkdә
saxlanır, iri çәllәyә isә pisini tökürlәr – lap vedrә ilә içsәn dә,
keflәnmәzsәn. Düşünürәm ki, bu sözü hansısa bәstәboy
uydurub, saysız tәhqirlәrin müqabilindә istәyib özünü mükafat -
lan dırsın. Ucaboyların bu mәsәldәn heç xәbәrlәri dә yoxdur
vә bizi әlә salmaq fürsәtini fövtә vermәzlәr.
Mәnim bir bәdbәxtliyim dә var ki, özüm balaca olsam da,
xoşladığım yalnız qamәtli, ucaboy qadınlardır. Hәyatıma tәzad
qatmaq arzusudur bu, yoxsa başqalarının gözündә hörmәtә
minmәk istәyi – bilmirәm. Ancaq özüm boyda olan qadınlar
mәndә heç bir hiss oyatmır. Boyu yüz altmış beş santimetr
olan ortaboy qadınlar da zövqümcә deyil. Yox ey, sәn mәnә
elәsini nişan ver ki, boyu yüz sәksәndәn aşağı olmasın! Özü dә
tәkcә boyla iş bitmir, xoşuma gәlir ki, qadın hәm dә әtli-canlı
olsun – yәni yanları enli, döşlәri iri, çiyinlәri geniş, әllәri,
ayaqları güclü, bәrk, möhkәm olsun. Fikir verin ki, burada
mәsәlә heç dә estetikada deyil; mәsәlәn, hәrdәn kimlәrsә
böyük maşına yox, kiçik maşına üstünlük verәndә buna
müәyyәn әsasları, sәbәblәri olur. Cantaraq qadınlarsa mәnim
sәbәbsiz-filansız xoşuma gәlir. Yәni hәdsiz dәrәcәdә xoşuma
gәlir – bunun başqa adı yoxdur. Hәqiqәtәn dә, uzaqdan bir
ucaboy, qamәtli qadın görәndә hәlә heç sifәtinә baxmamış
ürәyim çırpınmağa başlayır, hiss edirәm ki, maqnit dәmiri
çәkәn kimi, mәni özünә çәkir. Әlbәttә, hisslәrimi gizlәtmәyә
qabil deyilәm, öz-özümә elә hey tәkrarlayıram: “Tәmkinli ol,
özünü әlә al, yaddan çıxartma ki, sәn cılızın birisәn, qadınlar
isә, xüsusәn dә xoşladığın bu tipli qadınlar sәni ciddi qәbul
etmirlәr”.

555