Page 546 - alberto moravia_Макет 1
P. 546
Alberto Moravia
küncdәki bıçaqla dolu rәflәr lap әn islah adamı da günaha
sövq edәrdi. İndi özünüz tәsәvvür edin: mәn axı bu anı düz iki
il gözlәmişdim!
– Rodolfo, dayan! Әl saxla, Rodolfo!.. Tutun onu!
Cici qışqırır, Qulyelmo isә kәsilәn donuz kimi ciyildәyirdi.
Bıçaq topasının içindәn bәxtә-bәxt әlimә keçәn birini
qapıb, әclafın üstünә atıldım. Kürәyinә saplamaq istәyirdim,
ancaq özünü qorumaq üçün geri çevrilәndә bıçaq onun sinәsinә
girdi. İkinci zәrbәni vurmaq istәyәndә kimsә qolumdan yapışdı;
sonra mәn dörd tәrәfdәn yan-yörәmi kәsdirmiş adamların
arasında, küçәnin ortasında peyda oldum. Camaat qışqırışır,
haray-hәşirlә ora-bura vurnuxur, çığır-bağırdan ağız deyәni
qulaq eşitmirdi. Hamı da mәni vurmağa çalışırdı – kimisi
üzümdәn, kimisi kürәyimdәn.
Tezliklә görüşәnәdәk...
Bu sözü Portolonqone hәbsxanasının rәisinә demişdim;
işә bax ki, elә hәmin günün axşamı üç dustaqla birgә Recina
Çeli kamerasına düşdüm. Ürәyimi boşaltmaq üçün olub-
keçәnlәrin hamısını onlara danışdım. Biri savadlı adama
oxşayırdı, hәtta, deyәsәn, alim idi, mәni diqqәtlә dinlәyәndәn
sonra dedi:
– Dostum, bilirsәn necәdir, o sözü birbaşa özün yox, sәnin
әvәzindәn tәhtәlşüurun deyibmiş… İndi elәdiyin bu işi
görәcәyini sәn artıq bilirdin; әvvәldәn bilirdin.
Ağıllı sözlәr danışan hәmin adam, ola bilsin, haqlıydı;
“tәhtәlşüur” deyilәn şeyin nәmәnә olduğundan da, çox güman
ki, xәbәrdar idi. Hәr necә olsa, mәn yenidәn hәbsxanaya
düşdüm, “tezliklә görüşәnәdәk” sözünü isә bu dәfә azadlığa
pıçıldayası oldum.
546
