Page 505 - alberto moravia_Макет 1

Nəhs gün

kәpәnәkvari hәrflәrlә ünvan yazılmışdı: “Pollarola meydanı”.
Bu meydan Kampo del Fyori bazarının böyründәdir. Qadın
hәmin vaxt şey-şüylәri cidd-cәhdlә maşına yüklәmәkdәydi.
Geri qanrılıb dedim:
– Bәlkә, elә bilirsiz, bu, tәrәvәz furqonudur?
Kişi mәnә baxmadan saymazyana cavab verdi:
– Yaxşı maldır, hamısı yaxşıdır… Tez sür, biz tәlәsirik.
Mühәrriki işә salıb götürüldüm. Birdәn eşidirәm ki, arvada
deyir:
– Ayağını hara basdığını görmürsәn? Pomidoru әzdin ki...
Ağlıma gәldi ki, maşını bulaşdırıb pis günә qoyacaqlar.
Pollarola meydanına çatanda geri qanrılıb nә görsәm yaxşıdır:
hәr yanda kahı yarpaqları, toz-torpaq, nәmişlik, ayaq altda
tapdanıb әzilmiş pomidor... Hәqiqәtәn, dәhşәtdi! Necә deyәrlәr,
ağlıma gәlәn başıma gәldi!
– Oturacağı yaman günә salmısız, dәrini xarab elәmisiz,
bәs bu zәrәrin haqqını mәnә kim ödәyәcәk?
– Boş şeydir, – kişi cibindәn dәsmal çıxarıb oturacağın
çirkli yerlәrini silmәyә başladı.
Cin vurdu tәpәmә. Hirsimdәn alışıb-yanırdım.
– Silmәkdәn kar aşmaz. Siz mәni azından min lirәlik xәrcә
salmısınız!
Baxıram ki, vecinә deyil, heç qulaq da asmır. Şeylәri
boşaltmaqda arvada kömәk edib, tez-tez dә tәkrarlayır:
– Tez ol, tez, tez… Bura yığ!
– Lәnәt şeytana, – qışqırdım, – çәpgözlüyün azmış, hәlә
üstәlik, karsan da?.. Sәndәn soruşuram ki, dәrinin korlanmasına
görә mәnә kim pul verәcәk?
Kişinin sәbri tükәndi, hövsәlәdәn çıxıb mәnә tәrәf döndü:
– Nolub sәnә, nә çığır-bağır salmısan, görmürsәn mal
boşaldıram?
– İstәyirәm, dәymiş ziyanın әvәzini ödәyәsәn!
Nәhayәt, malın hamısını boşaldıb qurtardı.

505