Page 473 - alberto moravia_Макет 1

Roma sikkəsi

görkәmindәn fәrasәtli, diribaş adam tәsiri bağışlasa da,
bәxtimizdәn kәndçiyә oxşayırdı. Baxdım ki, Çezareni diqqәtlә,
hәtta hәvәslә dinlәyir. Nәhayәt, Çezare әlini cibinә salıb
sikkәni çıxartdı. İndi mәnim növbәm çatmışdı: başa düşürdüm
ki, geri çәkilmәk artıq gecdir.
Oğlan sikkәni alıb maraqla gözdәn keçirir, çevirib hәr
üzünә baxırdı, Çezare isә çәnәsinә güc verib ona nәyisә
qandırırdı. Yaxınlaşıb ciddi görkәmlә soruşdum:
– Müdaxilәmә görә üzr istәyirәm… Bu, tәsadüfәn Roma
sikkәsi deyil ki?
Çezare mәni görәndә guya mat qaldı, oğlan isә yavaşdan
dedi:
– Oxşayır ki, hә.
– İcazәnizlә, bir ona baxım, – dedim, – Mәn antikvaram,
belә şeylәrdәn az-çox başım çıxır… İcazәnizlә…
Oğlan sikkәni dәrhal irәli uzatdı, mәnsә özümü maraqlanmış
kimi göstәrib onu diqqәtlә nәzәrdәn keçirmәyә başladım.
Sonra Çezareyә tәrәf dönüb ciddi tәrzdә soruşdum:
– Sәn bunu hardan almısan?
Onu da deyim ki, üst-başı toz-torpaq içindә olan nimdaş
geyimli Çezare bu rol üçün yaxşı yarayırdı.
– Siz mәndәn nә istәyirsiz? – o, ağlamsına-ağlamsı -
na de di. – Mәn kasıb, fağır adamam.
– Di yaxşı, – dedim. – Qorxma, mәn çuğul deyilәm, mәnә
deyә bilәrsәn. De görüm, hardan almısan bunu?
– Mәn yerqazanam, – Çezare bayaqkı yazıqlıqla cavab
verdi. – Bunu da tәzә vağzalın tәmәlini qazanda tapmışam...
Bәlkә, siz onun qiymәtini deyәsiniz? Sizcә, qiymәti neçә olar?
– Qiymәti olmağına, әlbәttә ki, qiymәti var… Bu, imperator
Karakallanın sikkәsidir.
– Hә-hә, Karakalla. Bu adı mәnә bir nәfәr dә demişdi.
Hәlledici an yetişdi. Mәn saymazyana soruşdum:
– Yaxşı, neçәyәdir?

473