Page 461 - alberto moravia_Макет 1

Kötük

– Yәni necә? – piştaxtanın yanında duranlardan biri soruşdu. –
Bәyәm sәninkinin beş tәkәri olacaq?
Peppinonun bir cәhәti dә vardı: zarafatı başa düşmürdü.
– Әlbәttә, beş tәkәri olacaq, dörd tәkәr üstündә, biri dә
ehtiyat… Amma bunu demirdim, mәnim maşınımın özәlliyi
ondadır ki, kuzovun forması tәzәdir… Bunu Turindә neçә
ildir konstruksiya ediblәr, yeni şeydir. Tәsәvvür edin ki, belәsi
birinci mәndә olacaq.
Sanki müsahibi qaçmasın deyә pencәyinin yaxalığından
yapışıb naqqallığa başladı. Dostlardan biri sәbrini basa bilmәyib,
ona acıyırmış kimi sakitcә dedi:
– Peppino, axı bütün bu tәfәrrüatlar bizim nәyimizә
lazımdır?
– Elә bildim sizinçün maraqlıdır, – o, sözünü çaşdırıb
mızıldandı.
Sonra dönüb görәndә ki, mәn bir kәnarda dayanmışam,
yaxınlaşıb dedi:
– Çezare, özün görәcәksәn, maşın gәlәndә o ki var
gәzәcәyik… Düzünü de, maşını tez almağımı, gәzintiyә
çıxacağımız günü sәbirsizliklәmi gözlәyirsәn?
– Yaşayarıq, görәrik, – dilucu dedim.
O isә dostlara tәrәf dönüb sözünә davam elәdi:
– Çezareyә söz vermişәm ki, maşın gәlib çıxan kimi onu
mindirib doyunca gәzdirәcәm. Neylәyim axı, mәn belәyәm
dә, xasiyyәtim elәdir ki, tәk kef elәmәyi bacarmıram. Çezare,
amma gәrәk sәn dә mәnim üzüyumşaqlığımdan sui-istifadә
etmәyәsәn. Gәzdirmәyinә, mәmnuniyyәtlә gәzdirәrәm, amma
elә bilmә ki, sәnin sürücün olasıyam… Hә, necә bilirsiniz,
haqlı deyilәm? Bәyәm sәhv danışıram? Dost ayrı şeydir,
sürücü ayrı şey, düz demirәm?
– Düz deyirsәn, bu dәfә sәn tamamilә haqlısan, – özünü
keyliyә qoymuş dostlardan biri tәsdiqlәdi. – Bilmәk olmaz,
bәlkә, Çezare düşünür ki, sәni istismar etsin… Ona görә dә,
yaxşısı budur, qabaqcadan danışıb razılaşasınız.

461