Page 43 - alberto moravia_Макет 1

Çoçara

II fәsil

Bir saata qәdәr yatdım, ayılanda gördüm ki, qatar dayanıb,
hәr yan sükut içindәdir. Vaqonda bürküdәn nәfәs almaq
olmurdu; Rozetta başını pәncәrәdәn çölә çıxarıb nәyәsә baxırdı.
Adamlar vaqon uzunu pәncәrәlәrin önünә düzülmüşdü. Yuxudan
kal ayılmışdım, tәrliydim, yerimdәn güclә qalxıb pәncәrәyә
yaxınlaşdım. Buludsuz sәmada günәş şaxıyırdı, әtrafımızı
üzümlüklәrlә örtülmüş yaşıl tәpәlәr sarmışdı, qatarın qabağındakı
tәpәnin üstündә isә bir ev yanırdı. Evin pәncәrәlәrindәn qırmızı
alov dillәri vә qara tüstü yüksәlirdi. Әtrafda isә qәribә bir
sakitlik vә hәrәkәtsizlik hökm sürürdü. Birdәn hay-küy düşdü,
adamlar qışqırışmağa başladı:
– Baxın, odur, odur!
Adamların barmaq tuşladığı sәmtә baxıb, sәmada qara bir
böcәk gördüm, az sonra böcәk tәyyarәyә çevrildi. Elә bu vaxt
başımız üzәrindә mühәrrik gurultusu vә tikiş maşınının
şaqqıltısına bәnzәr dәmir-dümür sәslәri eşidildi. Sonra gurul-
tu-nәrilti sәslәri uzaqlaşdı, ardınca dәhşәtli partlayış qopdu.
Hamı yerә yıxıldı, tәkcә mәn uzanmağa macal tapmadım,
daha doğrusu, bu, ağlıma da gәlmәdi. Pәncәrәdәn baxıb
gördüm ki, yanan ev gözüm önündәcә tәpәnin üstü ilә sürünә-
sürünә qatara doğru gәlәn qatı boz dumana büründü. Әtraf
yenidәn sükuta qәrq oldu. Sağ qaldığına inanmayanlar yavaş-
yavaş qalxıb, yenidәn pәncәrәlәrә yaxınlaşdı. Toz-duman
çәkilәndәn sonra evi yerindә görmәdik, elә bil yoxa çıxmışdı.
Bir neçә dәqiqәdәn sonra qatar yoluna davam etdi.
Bu, yolda başımıza gәlәn әn böyük hadisәydi. Qatar tez-
tez açıq sahәlәrdә dayanır, bir saata yaxın gözlәdikdәn sonra
yenidәn hәrәkәtә başlayırdı. Odur ki, ikisaatlıq yolu altı saata
getmәli olduq. Romada hava bombardmanlarından hәmişә
vahimәlәnәn Rozetta dedi:

43