Page 425 - alberto moravia_Макет 1

Çürükçülük eləmə

ki, bu mәsәlәdә Anyeze başqa qadınlardan fәrqlәnir, yaxşı
geyinmәyә çox da can atmır.
Belәliklә, maddi vә mәnәvi sәbәblәr aradan qalxır. Bir
mәsәlә qalır ki, adәtәn, vәkillәr bunu xarakterlәrin uyğunsuzluğu
adlandırırlar. Amma hansı uyğunsuzluqdan söhbәt gedә bilәr
ki, iki il әrzindә bizim aramızda bir dәfә dә mübahisә olmayıb?
Doğru sözümdür: bircә dәfә dә! Biz hәmişә bir yerdә idik vә
әgәr hansısa uyğunsuzluq mövcud olsaydı, özünü necәsә
bildirәrdi. Yox, Anyeze heç vaxt mәnә zidd getmirdi; o, demәk
olar ki, heç danışmırdı da. Hәrdәn kafedә, ya evdә bütün
axşam boyu ağzını açıb kәlmә kәsmirdi – danışan tәkcә özüm
olurdum.
Danmıram, mәn danışmağı, elәcә dә özümә qulaq asmağı
xoşlayan adamam, xüsusәn dә yaxınlarımla söhbәt zamanı.
Sәsimin tonu mülayimdir, özü dә astadan, rәvan danışıram.
Sakit demәzdim, amma axıcı, mühakimәli sәsim var vә hansısa
mövzuda danışanda onu hәr üzdәn işıqlandırıram. Tәsәrrüfat
işlәrindәn danışmağa daha çox üstünlük verirәm: qiymәtlәri
müzakirә etmәkdәn, mebeli otaqlara necә düzmәkdәn, yemәklәrin
növündәn, qızdırıcıdan, bir sözlә, hәr cür xırda-para şeylәrdәn
uzun-uzadı söhbәt açmağı çox xoşlayıram. Belә şeylәrdәn
danışmaq mәni heç vaxt yormur, әksinә, bundan hәzz alıram.
Hәrdәn baxıram ki, mövzu bitәndәn sonra bütün mühakimәlәri
әvvәldәn-axıradәk yenidәn tәkrarlamağa başlamışam. Amma
açıq danışaq: qadınlarla mәhz belә söhbәtlәr aparmaq lazımdır;
axı onlarla başqa nә barәdә danışmaq olar? Üstәlik dә, Anyeze
mәnә hәmişә maraqla qulaq asırdı; әn azından, özümә belә
gәlirdi ki, sözlәrimi diqqәtlә dinlәyir. Yalnız bir dәfә, vanna
üçün alacağım elektrik qızdırıcısının quruluşunu izah edәrkәn
qәfildәn yuxulamışdı. Mәn onu oyadıb soruşmuşdum:
– Bәyәm sәninçün darıxdırıcıdır?
– Yox-yox, – tәlәsik demişdi, – sadәcә yorğunam, gecәni
pis yatmışam.

425