Page 421 - alberto moravia_Макет 1

Cinni

Qız saxta tәәccüblә soruşdu:
– Nolub ki? Bәyәm sәn mәnә acıqlısan?
Bu yerdә daha sәbrimi basa bilmәyib qışqırdım:
– Sәn bunda sifәtә bir bax: indicә mәni öldürmәk istәyirdi,
bunun ucbatından bütün günüm boşa gedib, benzin işlәtmişәm,
pul itirmişәm… hәlә gәrәk buna acıqlı da olmayım! Allahına
şükür elә ki, sәni aparıb polisin çәnginә vermәdim!
Vә bilirsiniz qızın mәnә cavabı nә oldu?
– Sәn sadәcә çox cinni adamsan!
Bunu deyib maşından çıxdı vә ötkәm addımlarla, açıq-
saçıq yerişlә San-Covanni meydanında şütüyәn maşınların,
avtobusların, velosipedlәrin arasından keçib uzaqlaşdı. Mәn
sanki tilsimlәnmiş kimi yerimdә quruyub, öz yaşıl paltarında
ilan kimi qıvrıla-qıvrıla gedәn qızın arxasınca ta o, gözdәn
itәnә qәdәr baxdım. Bu vaxt kimsә taksiyә әylәşib qulağımın
dibindә bәrkdәn qışqırdı:
– Popolo meydanına!

421