Page 394 - alberto moravia_Макет 1

Alberto Moravia

Qoffredo pivәlәri verib soruşdu:
– Nolub sәnә? Özünü pis hiss edirsәn?
Cavab vermәdim, pivәni götürüb çıxdım.
– Әhsәn, – düşmәnim dedi, – ofisiantlığa tamamilә
yarayırsan.
Amma sonra şüşәlәrә әlini vurub әlavә etdi:
– Paho, pivәlәr ilıqdı ki.
Әlimi şüşәlәrdәn birinin üstünә qoydum – buz kimiydi.
Sakitcә dedim:
– Mәn bilәn soyuqdur.
O, әlini әlimin üstünә qoydu, elә bәrkdәn sıxdı ki, az qala,
barmaqlarım qırılacaqdı.
– Dedim ki, ilıqdır… Sәn dә tәkrar elә, de ki, pivә ilıqdır.
– Pivә ilıqdır.
– Bax belә… Get soyuq bir şey gәtir.
– Dondurma, – mәn titrәyәn sәsimlә tәklif elәdim.
– Yaxşı, dondurma gәtir… Amma unutma: soyuq olsun.
Bunu deyәrkәn yenә ayağıyla mәni vurdu.
Masa elә yerdәdir ki, bufetdәn görünür. Tәzәdәn piştaxtaya
yaxınlaşanda, Qoffredo gülümsәyib dedi:
– Bu odur, elәmi?
O biri ofisiantlar da gülüşdülәr. Rәngim ağappaq idi;
әsirdim deyә cavab vermәdim. Qoffredo dondurmaxanadan
iki pors dondurma çıxara-çıxara dedi:
– Bәyәm sәn deyildin onun bağrını yaran? İndi bәs nә
gözlәyirsәn, get yaxşıca ilişdir! Göstәr öz qoçaqlığını!
Mәn dondurmanı sakitcә götürüb masaya apardım. O, bir
qaşıq alıb soruşdu:
– Hә, demәli, sәn gecәyarı, saat on iki tamamda boşalırsan?..
Bәs evә hansı küçәylә gedirsәn?
– Klinikanın yaxınlığında yaşayıram, – dedim.
Yalan deyirdim; әslindә, Kampitelli meydanında oluram.
– Çox gözәl, – o, hiddәtlә nәrildәdi. – Demәli, klinikaya
yaxınsan, sәni xәstәxanaya aparmaq asan olacaq.

394