Page 375 - alberto moravia_Макет 1

Şən keçən məclis

amma ağıza vuran kimi mәlum oldu ki, spagettinin istiliyi-
filanı yoxdur, vur-tut bir tikә ilıqlığı var, vәssalam. Sirio isә
öz bulyonunu qaşıqla cidd-cәhdlә qarışdıra-qarışdıra sanki
içindә qızıl tapacağına ümid edirdi. Sonra o, restoran sahibini
çağırıb tamamilә ciddi şәkildә xәbәr aldı:
– Siz ovçusunuz?
Sahib sualı başa düşmәdiyini dedi. Onda Sirio soruşdu:
– Doğrudurmu siz bu bulyonu tüfәnglә vurmusunuz?
– Siz bununla nә demәk istәyirsiniz? – restoran sahibi
qaşqabaqla ona baxdı.
– Onu demәk istәyirәm ki, sizin bulyonun canına tüstü
hopub.
Sahib etiraz etdi, özü dә xeyli kobud tәrzdә:
– Nә tüstü?.. Mәnim bulyonumda tüstü nә gәzir?.. Tüstü
sizin başınızdadır!
Rәngi ağaran Sirio sәsini bir az da qaldırdı:
– Deyirәm ki, bulyondan tüstü iyi gәlir, demәli, siz mәnә
inanmalısınız!
Sahib donquldana-donquldana mәtbәxә getdi vә qazançanı
götürüb gәldi ki, bizә bulyonun hansı әtdәn bişirildiyini
göstәrsin. Qazançanı növbә ilә hәr birimizin burnunun altına
tutduğu vaxt qәfil çığırtı eşidildi:
– Tarakan! Tarakan! Tarakana baxın!
Hamımız geri qanrıldıq. Çığıran Amilkarenin qohumu
Cemma idi; o, öz spagetti nimçәsindәki hansısa qara şeyi
göstәrirdi.
Restoran sahibi yenә höcәtliyinә saldı:
– Nә tarakan!.. Burada tarakan nә gәzir!.. Soğandır, bir az
yanıb... qaralıb…
Cemma da dediyindәn dönmәdi:
– Mәnsә sizә deyirәm ki, tarakandır… Bir baxın, ayaqları
da görünür…
Restoran sahibi Cemmaya yaxınlaşıb, diqqәtlә nimçәnin
içinә baxdı; bu, hәqiqәtәn, tarakan idi. Sonra o, tarakanı
çәngәllә tutub, soyuqqanlı tәrzdә dedi:

375