Page 373 - alberto moravia_Макет 1

Şən keçən məclis

– Mәnim adım Covanni yox, Serafimodur… vә düzünü
desәm, sizi xatırlamıram, yadıma gәlmirsiniz.
Amilkare pәrtlikdәn çaşan kimi oldu, amma dәrhal da
suallarını yağdırmağa başladı. Restoran sahibi alnını qırışdırıb
yada salmağa çalışdı, axırda nәsә fikirlәşib qışqırdı:
– Hә ey! İndi yadıma düşdü. Xatırladım sizi! Yeni il
qabağı siz burada olmuşdunuz, kolbasa ilә mәrci yemişdiniz.
Amilkare cavab verdi ki, bәs Yeni ili evdә qarşılayıb.
Bir sözlә, onlar bir-birini tanıya bilmәdilәr. Sonra restoran
sahibi qolları çirkli ağ gödәkcәsinin cibindәn yemәk kartoçkasını
çıxarıb soruşdu:
– Sinyorlar nә buyurmaq istәyir?
Xatirәlәrlә bağlı mәsәlә başa çatdı. Biz kartoçkaya baxan
kimi gördük ki, burada ürәkaçan az şey var: olan yalnız
pendirli makaron, abbakkio , toyuq, pendir, bir dә meyvәdir.
1
Öz nüfuzunun qeydinә qalan Amilkare restoran sahibini tәzәdәn
israrla dilә tutmağa başladı:
– Axı sizin mәxsusi yemәyiniz olur… hә, spagetti...
hәvәskar spagetti!
Sahib onlarda, hәqiqәtәn dә, hәvәskar spagettinin olduğunu
tәsdiqlәdi. Biz hamımız qәlyanaltı vә spagetti, kimsә özünә
abbakkio, qalanlar isә qızartma toyuq sifariş verdi. O ki qaldı
desertә – belә qәrara gәldik ki, bir az fikirlәşәk. Bu vaxt Sirio
dedi ki, ürәyi şorba istәyir, restoran sahibi dә toyuq bulyonu
gәtirә bilәcәyini söylәdi. Sonra hansı şәrabdan içәcәyimizi
soruşdu: ağ, ya qırmızı; şirin, ya kәmşirin? Biz Fraskati
çaxırını seçdik, restoran sahibi dә butulkaları, qәdәhlәri, çörәyi,
salfetә bükülmüş süfrә lәvazimatlarını gәtirib masaya düzdü,
özü mәtbәxә keçdi.
Bir qәdәr gümrahlaşmış Amilkarenin dili açıldı:

1 Abbakkio – quzu әtinin qızartması (tәrc.)
373