Page 366 - alberto moravia_Макет 1

Alberto Moravia

bunsuz ötüşmәyә isә hәlә vәrdişkar deyildim. Artıq o hәddә
çatmışdım ki, İtaliya üzümә baxıb, mәni nә cürsә xüsusi
baxışla süzәndә bundan uşaq kimi tәsirlәnir, gözüm yaşla
dolurdu. Az qala, әriyib gedirdim, amma mәnә elә gәlirdi ki,
bu, kişiyә yaraşmayan zәiflik әlamәtidir; di gәl, göz yaşlarımı
boğmağa çalışsam da, heç cür bacarmırdım. Sükan arxasında
özüm oturanda, biz Palombinin yuxulamasından istifadә edib
astadan danışırdıq. Nә barәdә danışmağımız qәti yadımda
deyil: bu da ona dәlalәt edir ki, söhbәt boş şeylәrdәn, zarafat-
lardan, sevgililәr arasındakı adi naqqallıqdan ibarәt idi. Amma
yadımdadır ki, vaxt yaman tez keçirdi: hәtta Terraçinanın
bitib-tükәnmәz şosesi dә, möcüzә kimi, bir andaca arxada
qalırdı. Mәn sürәti yavaşıdıb saatda otuz, hәtta iyirmi kilometrә
salırdım, belә ki, az qala, arabalar da bizi ötüb keçirdi, amma
yol yenә dә çox tez başa çatır vә İtaliya düşüb gedirdi. Gecәlәr
lap yaxşı keçirdi: şosedә, demәk olar ki, maşın gözә dәymirdi,
mәn dә bir әlimlә sükandan yapışıb, o biri әlimlә İtaliyanı
qucaqlayırdım. Qaranlıqda qarşıdan gәlәn maşınların faraları
yanıb-sönәndә ürәyimdәn keçirdi ki, onların siqnallarına cavab
verәn mәnim maşınımın işıqları necә xoşbәxt olduğumu
söylәyәn hansısa sözlәrә çevrilsinlәr. Mәsәlәn: mәn İtaliyanı
sevirәm, İtaliya da mәni sevir.
Palombi ya heç nә sezmirdi, ya da görmәzliyә vurur,
özünü belә göstәrirdi ki, guya heç nәdәn xәbәri yoxdur.
İtaliyanın tez-tez bizimlә getmәsinә o, bircә dәfә dә etiraz
etmәmişdi. Qız kabinәyә keçәndә Palombi salam işarәsi kimi
heyvansayağı xortuldayır vә çәkilib yanımızda ona yer
düzәldirdi. İtaliya hәmişә ortada otururdu, çünki mәn şoseyә
göz qoymalı, başqa maşını ötüb-keçәrkәn qabaqda yolun boş
olub-olmadığını Palombiyә xәbәr vermәliydim. Hәtta sevginin
şiddәtindәn ağlımı itirib maşının qabaq şüşәsinә İtaliyanı
xatırladacaq nәsә yazanda da Palombi buna heç bir etiraz
bildirmәmişdi. Mәn bir qәdәr fikirlәşib şüşәdә iri hәrflәrlә
yazmışdım: “Yaşasın İtaliya”. Palombi o dәrәcәdә kütbeyin

366