Page 361 - alberto moravia_Макет 1

Saxta əsginas

Bunu deyib kartı açdı vә gördüm ki, udmuşam. Mәn bu
fәndi çox yaxşı bilirdim, hәtta fırıldağı necә elәdiklәrindәn dә
xәbәrdaram, ancaq, ola bilsin, bәrk yorulduğumdan, ümid
edirdim ki, gündәlik xәrcimin әvәzini qaytara bilәrәm. Çox da
baş sındırmayıb, daha doqquz yüz lirәni karta qoydum. Bu
dәfә, gözlәnildiyi kimi, uduzdum vә oradan rәdd olub getdim.
Fikirlәşdim ki, düz iki min lirә pul sәrf etmişәm vә indi
payıma min lirәdәn çox düşmәyәcәk. Amma heç demә, әsl
hәngamә mәni hәlә irәlidә – Riçorcimento meydanının bağında,
Stayano ilә görüşdә gözlәyirmiş.
Biz bağın xәlvәt guşәsinә çәkildik vә gәtirdiyim әsginasları
sayıb verәrkәn, Stayano, demәk olar ki, pullara baxmadan
tәkrarlamağa başladı, axıra kimi dә öz dediyini dedi:
– Saxtadır, saxtadır, bu da saxtadır, bu da, bu da...
O, әsginasları hirslә cibinә soxa-soxa düz mәnim üzümә
baxıb eyni sözlәri tәkrarlayırdı:
– Sәnin bütün kağızların saxtadır… Özü dә bu, bizim
işimiz deyil... Biz tәmiz iş görürük… Daha bunlardan da
saxtası olmur. Bundan betәri, bәlkә, üzәrindә “Mәhәbbәt
bankı”, yaxud “Min-min öpüş” yazılan kağızlar olar. Nә
deyәsәn axı, bәrәkallah sәnә!
Yerimdә quruyub qalmışdım. Stayano isә davam edirdi:
– Mәnim verdiyim onminlik әsginas gerçәk puldan qәti
seçilmirdi, sәnsә mәnә doqquz dәnә elәsindәn gәtirmisәn ki,
bunları heç gözdәn zәlilә dә sırımaq olmaz.
Onda mәn dedim:
– Heç olmasa, xәrclәrimin әvәzini mәnә qaytar.
– Sәn hansı xәrclәrdәn danışırsan?
Axşam üç min qazanacağıma arxayın olub, gün әrzindә
ora-bura düz iki min lirәdәn çox xәrclәmişdim.

361