Page 360 - alberto moravia_Макет 1

Alberto Moravia

pulları düşünә-düşünә başımı tamamilә itirmişdim. Bilmirdim
hara gedim, neylәyim, başıma nә çarә qılım. Bir dә gördüm
via Kola di Riensonun o başında, Riçorcimento meydanının
yaxınlığındayam.
– Xoşbәxtlik buradadır!.. Kim öz bәxtini sınamaq istәyir?
Qulağıma dәyәn bu çığırtılar hansısa anlaşılmaz bir ümidlә
mәni әtrafa boylanmağa mәcbur etdi. Üz-gözündәn cin yağan,
boynundan asdığı tabağın üstünә üç oyun kartı düzmüş
qarayanız bir oğlan idi – divara söykәnib yoldan ötәnlәri
oyuna sәslәyirdi. Şübhәli sifәti eynәn özününkünә oxşayan
ortağı onun böyründә dayanmışdı vә özünü elә aparırdı ki,
guya başı oyuna qarışıb. Qәfildәn ağlıma bir fikir batdı vә
qәrara gәldim ki, bu saxta xoşbәxtliyi elә Stayanonun onminlik
saxta әsginası üzәrindә sınayım. Fikirlәşdim ki, әsginası ortağa
xırdaladıb pulun yüz lirәsini oyuna qoyaram vә uduzub sakitcә
aradan çıxaram. Onsuz da, qumar oyunları qadağandır; bu
fırıldaqçıların mәni әlә verәcәklәrindәn qorxmaya bilәrdim.
Yaxınlaşıb tabağa hәrisliklә baxa-baxa dedim:
– Oynamaq istәrdim… Amma heç bilmirәm necә edim?
Xırdam yoxdur.
Vә әsginası cibimdәn çıxarıb onlara göstәrdim.
Boynundan tabaq asılmış oğlan kartların yerini dәyişә-
dәyişә tutuquşu kimi tәkrarlamağındaydı:
– Xoşbәxtlik buradadır!.. Bәxtini sınamaq istәyәn varmı?
Onun ortağı isә әlüstü mәnә yaxınlaşdı vә pulqabını çıxarıb
dedi:
– Lәnәt şeytana! Bәxtini sınamaq istәyәn cavan adama
niyә dә kömәk әli uzatmayasan? Buyurun, verin pulunuzu.
Saxta pulu oğlana uzatdım, o da doqquz dәnә minlik, on
dәnә yüzlük әsginas sayıb mәnә verdi.
Qabaqcadan düşündüyüm kimi, yüz lirәni oyuna qoydum.
Tabaqlı oğlan çığırdı:
– Sinyor yüz lirә qoyur… Buyurun, sinyor!

360