Page 363 - alberto moravia_Макет 1

YÜK MAŞINININ SÜRÜCÜSÜ

Mәn arıq vә әsәbiyәm; әllәrim çöp kimi, ayaqlarım uzun
vә nazikdir, qarnım isә, az qala, belimә yapışıb, şalvar әynimdә
güclә durur. Bir sözlә, mәn yük maşını sürücüsünә qәtiyyәn
oxşamıram.
Siz bir onlara diqqәt yetirin: hamısı sağlam, enlikürәk
cavanlardır; әllәri yükdaşıyanlarınkı kimidir, nәinki sinәlәri,
hәtta qarınları da әzәlәlidir. Çünki yük maşınının sürücüsündәn
ötrü, әn başlıcası – әl, kürәk, bir dә qarındır. Möhkәm әllәr –
diametri qolların uzunluğundan azacıq gödәk olan sükanı
hәrlәtmәk üçündür, dağ yollarında hәrdәn sükanı tam şәkildә
fırlatmaq lazım gәlir; kürәk – ondan ötrüdür ki, quruyub
qaxaca dönmәdәn saatlarla eyni vәziyyәtdә qalmağa dözә
bilsin; o ki qaldı qarına – hә, qarın gәrәk oturacağa möhkәm
pәrçimlәnib, onunla nә cürsә vәhdәt tәşkil elәsin. Bunlar fiziki
göstәricilәrә aiddir. Öz xarakterimә görә isә mәn bu iş üçün
daha az yararlıyam. Yük maşınının sürücüsü sinirsiz olmalıdır;
o, kәnar şeylәr barәsindә düşünmәmәli, heç nәyin dәrdini,
qayğısını çәkmәmәlidir. Uzun reyslәr adamı yorub әldәn salır;
belә reyslәr hәtta buğanın da axırına çıxmağa qabildir. Qaldı
ki qadınlar – sürücü dә, dәnizçi kimi, qadınları beynindәn
biryolluq silib atmalı, onların barәsindә hәr şeydәn az
düşünmәlidir, yoxsa saysız-hesabsız gediş-dönüşlәr, bitib-
tükәnmәz sәfәrlәr yazığı dәli elәyәr. Bu cür narahat fikirlәr
şәxsәn mәni hәmişә didib-parçalayır, lap axırıma çıxır. Tem-
perament baxımından mәn melanxolikәm, qadınları da yaman
xoşlayıram.
Baxmayaraq ki, bu peşә açıq-aşkar mәnlik deyil, yenә dә
yük maşınının sürücüsü olmaq niyyәtinә düşdüm, hәlә nәqliyyat
şirkәtindә işә düzәlmәk dә qismәtim oldu. Ortaq kimi mәnә
hansısa Palombini, necә deyәrlәr, xalis heyvanın birisini

363