Page 345 - alberto moravia_Макет 1

ROMA HEKAYӘLӘRİ

MARİO

Mәsәlә bu cür oldu. Sәhәr mәn yuxudan qalxanda Filomena
hәlә yatırdı. Alәtlәri götürüb barmaqlarımın ucunda evdәn
çıxdım, via Qramşidәki Monte Parioliyә yollandım. Orada
vanna otağının sobasını düzәltmәliydim. İş nә qәdәr vaxt
aparardı? Uzaqbaşı, iki saat: köhnә borunu çıxarıb, yerinә
tәzәsini taxmaq lazım gәlmişdi. İşi qurtarıb әvvәl avtobusla,
sonra tramvayla geri qayıtdım, yәni via del Koronariyә –
evim dә buradadır, emalatxanam da. İndi gәlin hesablayaq:
demәli, iki saat Monte Pariolidә işә sәrf olundu, bir saat da
yola – yarım saat o başa, yarım saat geriyә. Hamısı elәsin üç
saat. Nә olan şeydir üç saat? Sizә deyim: bu hәm çoxdur, hәm
dә az. Hәr şey şәraitdәn asılıdır. Qurğuşun borunu dәyişmәyә
mәnim iki saat vaxtım getmişdi, başqaları isә bu müddәt
әrzindә...
Qoy hamısını ardıcıllıqla danışım. Demәli, via del Koronaridә
tramvaydan düşüb, tәzәcә sәkiyә çıxmışdım ki, arxadan kiminsә
sәslәdiyini eşitdim. Dönüb baxanda gördüm ki, üzbәüz evdә
kirayә otaq verәn Fede qarıdır. Yazığın ayaqları podaqradan
elә şişmişdi ki, elә bil fil ayağıdır.
– Bu gün sirokko yaman güclüdür ha, – Fede qarı nәfәsi
1
tәntiyә-tәntiyә dedi. – Evә gedirsәn? Sәbәti aparmağa kömәk
etmәzsәn?
Cavab verdim ki, böyük hәvәslә. Alәtlәri yığdığım çantanı
o biri çiynimә aşırıb, sәbәti götürdüm. Yanaşı gedirdik, arvad
ayaqlarını güclә sürüyürdü.
– Bәs Filomena haradadır? – gedә-gedә birdәn soruşur.
– Harada olmalıdı ki? – deyirәm. – Evdә.

1 Sirokko – Cәnubi Avropada әsәn isti, quru külәk (tәrc.)

345