Page 317 - alberto moravia_Макет 1

Çoçara

qucaqlamaq, bağrıma basmaq istәsәm dә, ürәk elәmәdim, elә
bil nәsә mәni tutub saxlayırdı. Nәhayәt, yuxuya getdim.
Ertәsi gün hәr şey tәkrarlandı. Rozetta, demәk olar, mәnimlә
kәlmә kәsmirdi, ona görә yox ki, küsüb-incimişdi, ona görә
ki, bilmirdi nәdәn danışsın; Klorindo hey onun әtrafında
dolaşır, göz açmağa aman vermirdi. O qәdәr hәyasızlaşmışdı
ki, heç mәndәn dә utanmırdı: Rozettanı çimdiklәyir, qucaqlayır,
yanağını sığallayırdı. Rozetta isә etiraz etmirdi, itaәtkarlıq
xoşuna gәlirdi. Deyәsәn, onu әzizlәdiyi üçün hәtta oğlana
minnәtdar idi. Konçetta tez-tez әllәrini yana açıb, bәrkdәn
sәslәnirdi:
– Nә gözәl cütlükdür!
Mәnimsә elә bil ürәyimdәn daş asılmışdı, әzab çәksәm dә,
әlimdәn heç nә gәlmirdi. Bir dәfә Rozettanın Yuqoslaviyada
olan nişanlısından söz saldım. Heç bilirsiz, cavabında mәnә
nә dedi?
– O, çoxdan özünә slavyan qızı tapıb. Hәm dә onu
ömürboyu gözlәyәsi deyilәm ki!
Artıq Rozettanı evdә tapmaq olmurdu – Klorindo hara
getsә, onu da özüylә aparırdı. Demәk olar, yük maşını onların
evinә çevrilmişdi. Rozetta oğlanın yanından әl çәkmirdi.
Klorindo talaya çıxıb sәslәyәn kimi, yerindәn dik atılır, oğlanın
yanına qaçırdı. Hәlә oğlan onu öz adıyla çağırsaydı, dәrd
yarıydı – o, sadәcә fit çalırdı. Görünür, oğlanın onunla it kimi
davranması, Rozettanın xoşuna gәlirdi. Mәlum mәsәlәdir,
birgә yatıb-qalxırdılar deyә Rozetta ona bağlanmışdı. Kişi ilә
fiziki yaxınlığın hәzzini dadan Rozetta artıq imtina elәyә
bilmirdi. Necә ki, әyyaş şәrabdan, tiryәk çәkәn adam tiryәkdәn
әl çәkә bilmir. Hә, mәrakeşlilәrin onu mәcbur etdiyi şeylәrә
indi özü könüllü razılıq verirdi; bu, onun başına gәlәnlәrin әn
kәdәrli nәticәsi idi. Mәnsә buna öyrәşә bilmirdim. Zorakılıqdan
yaxa qurtarmaq әvәzinә, Rozettanın yeni-yeni zorakılıqlara
meyil salması mәni yandırıb-yaxırdı.

317