Page 237 - alberto moravia_Макет 1

Çoçara

iştirak edәn Mikele qәrara etiraz edib bildirib ki, bu halda o,
kәndlilәrin tәrәfini saxlayacaq. Onda qaçqınlardan biri ona
belә deyib:
– Yaxşı, amma nәzәrә al ki, onların tәrәfini saxlasan, sәni
dә kәndli hesab edәcәyik.
Әslindә, bu toplantının әhәmiyyәtini çox da şişirtmәk
lazım deyildi, çünki qaçqınları tanıyırdım – onlar pis adam
deyildi, әn pis halda belә, silaha әl atacaqlarına inanmırdım.
Bu qәrar, sadәcә onların nә dәrәcәdә acınacaqlı vәziyyәtә
düşdüyünü göstәrirdi. Tәsadüfәn xәbәr tutdum ki, onlardan
bәzilәri Sant-Yeufemiyanı tәrk etmәyә hazırlaşır. Xoşbәxtlikdәn,
havalar xoş keçirdi, cığırlar qurumuşdu. Onlar cәbhә xәttindәn
keçib, cәnuba vә şimala doğru üz tutmaq istәyirdilәr – deyilәnә
görә, oralarda insanların güzәranı bizimki kimi pis deyildi.
Bәzilәri deyirdi ki, kәnddә acından ölmәkdәnsә, ayaqla Romaya
getmәk lazımdır, çünki şәhәrdә hakimiyyәt, heç olmasa,
әhalinin üsyan qaldıra bilәcәyindәn çәkinir. Bir sözlә, isti may
günәşi hamını hәrәkәtә gәtirmişdi, hәr kәs dәrdinә әlac axtarırdı;
bu donuqluqdan vә bitib-tükәnmәk bilmәyәn intizardan qur-
tulmaq üçün bәzilәri hәtta ölümlә üz-üzә gәlmәyә dә hazır
idi.
Әlimizin hәr şeydәn üzüldüyü bir vaxtda birdәn-birә gözәl
xәbәrlәr gәlmәyә başladı: ingilislәr almanların müdafiә xәttini
yarıb, hücuma keçmişdilәr. Bu dәfә xәbәrlәr doğru çıxdı.
Qaçqınların sevincinin hәddi-hüdudu yox idi; düzdür, bu
xәbәri әvvәlki kimi bayram elәmәk imkanları yox idi, çünki
nә çaxır qalmışdı, nә dә yemәk. Odur ki, yalnız bir-birini qu-
caqlamaqla vә papaqlarını göyә atmaqla kifayәtlәnmәli oldular.
Yazıqlar haradan bilәydi ki, ingilislәrin hücumu onlara daha
böyük müsibәtlәr gәtirәcәk. Çәtinliklәr hәlә qabaqdaydı.

237