Page 236 - alberto moravia_Макет 1

Alberto Moravia

milçәklәr vә arılar da әlavә olundu. Daxmada milçәk әlindәn
tәrpәnmәk olmurdu, işimiz-peşәmiz bütün günü onları qovlamaq
idi. Gecәlәr milçәklәrin hamısı paltar asdığımız ipin üzәrinә
oturur, zivә qapqara olurdu. Daxmanın çatısında yuva quran
arılar bizi göz açmağa qoymurdu, onları qovmaq mümkün
deyildi, çünki qәzәblәnib, dәqiqәbaşı bizi sancırdılar. Elә
zәiflәmişdik ki, tez-tez tәrlәyirdik, düzәmәlli yuyunmaq,
paltarımızı dәyişmәk imkanı olmadığından, istilәr düşәndәn
sonra sәfilә, dilәnçilәrә oxşamağa başladıq. Mәnә elә gәlirdi
ki, kәnardan baxanda biz monastır qapılarında dilәnәn, yaşı,
cinsi bilinmәyәn dilәnçi qadına bәnzәyirik. Olan-qalan paltarımız
iyli-qoxulu әsgi parçalarına çevrilmişdi. Çoçilәrimiz (çoxdandır
ki, ayaqqabı üzünә hәsrәt idik) tamamilә yararsız hala düşmüşdü,
xüsusilә dә Paride avtomobil tәkәrindәn kәsib-götürdüyü rezin
parçasıyla onları yamayandan sonra. Qışda birtәhәr qaldığımız,
amma indi milçәklәrin vә arıların meydan suladığı daxma
bizim üçün әsl hәbsxana kamerasına çevrilmişdi. Sәbirli,
hәlimxasiyyәtli Rozetta daha çox әziyyәt çәkirdi, çünki mәn
kәndli qızıydım, çox çәtinliklәr görmüşdüm, amma o, şәhәrdә
doğulub-böyümüşdü. Bir dәfә Rozetta mәnә dedi:
– Ana, sәn elә hey yemәk barәdә danışırsan, amma mәn
bir il dә ac qalardım, tәki tәmiz paltarım, sәliqәli otaqda
qalmaq imkanım olaydı.
İş burasındadır ki, düz iki aydı yağış yağmırdı deyә su da
mataha çevrilmişdi. Rozetta artıq hәr sәhәr başına bir vedrә su
tökә bilmirdi. Dediyim kimi, qış aylarında belә, hәr sәhәr
başından bir vedrә su tökmәyә öyrәşmişdi, onda buna bir elә
ehtiyac olmasa da…
Mayda qaçqınların nә dәrәcәdә pis vәziyyәtә düşdüyünü
göstәrәn bәzi hadisәlәr oldu. Sәn demә, qaçqınlar Filipponun
evindә toplantı keçiriblәr. Orada yalnız kişilәr iştirak edib;
düşünüb-daşınıb, qәrara alıblar ki, әgәr ingilislәr mayda da
gәlib-çıxmasa, silahı olan qaçqınlar (bәzilәrindә revolver vә
ya ov tüfәngi, digәrlәrindә bıçaq vardı) kәndlilәri mәcbur
edәcәklәr ki, әrzaq ehtiyatlarını onlarla paylaşsınlar. Toplantıda

236