Page 233 - alberto moravia_Макет 1

Çoçara

mağaraları әsgәrlәrdәn tәmizlәyәn vә bundan böyük zövq
alan qәddar leytenantla onun evindә tanış olmuşduq. Orada
yenә alman zabiti ilә üz-üzә gәldik, amma bu dәfә qonaq
kapitan rütbәsindәydi. Vәkil elә kandardaca bizә bildirdi:
– Bu zabit başqalarına bәnzәmir, mәdәni adamdır, fransızca
danışır, Parisdә yaşayıb, eynilә bizim kimi düşünür.
Biz içәri girәndә, bütün almanlar kimi, kapitan ayağa
qalxıb çәkmәlәrinin dabanlarını bir-birinә vurdu vә bizimlә
salamlaşdı. O, doğrudan da, tәrbiyәli-әdәbli adama oxşayırdı.
Qonur gözlәri, kübarlara xas nazik burnu vardı, saçları
tökülmәyә başlamışdı. Davranışı bir qәdәr lәng olmasaydı vә
saxta tәsir bağışlamasaydı, onu italyanlara oxşatmaq olardı.
Amma italyanlar ona bәnzәmir. O, italyanca danışır, İtaliyanı
tәriflәyir, deyirdi, İtaliya onun ikinci vәtәnidir. Sözlәrindәn
belә çıxırdı ki, hәr il Kapriyә gedir; müharibә imkan verib ki,
indiyәcәn görmәdiyi gözәl yerlәri ziyarәt etsin. Bir sözlә,
kapitan bizimlә çox mehriban davranırdı. O, bizi siqaretә
qonaq elәdi, öz ailәsi haqqında danışdı, hәtta arvadının vә
uşaqlarının şәklini dә göstәrdi – arvadı sarışın, gur saçları
olan gözәl qadın idi. Uşaqları da anaları kimi sarışın idilәr,
mәlәyә oxşayırdılar. Kapitan şәkli cibinә qoyub dedi:
– İndi uşaqlarım çox xoşbәxtdir.
– Niyә? – ondan soruşduq.
Kapitan dedi ki, çoxdandı uşaqları ondan qoduq almasını
istәyirmiş, bu günlәrdә o, Fondidәn balaca bir qoduq alıb Al-
maniyaya, uşaqlarına hәdiyyә göndәrib. Son dәrәcә mәmnun
görünәn kapitan hәr şeyi yerli-yataqlı danışdı: o, mәhz istәdiyi
heyvanı, Sardiniya eşşәyinin balasını almışdı; qoduq hәlә
südәmәr olduğu üçün onu hәrbi maşın karvanında göndәrmiş,
karvanı müşayiәt edәn әsgәrlәrdәn birinә tapşırmışdı ki,
yolboyu ona tez-tez süd versin: maşınlarda inәk dә aparırlarmış.
Әlavә etdi ki, yәqin indi uşaqları qoduğu minib sürürlәr vә
çox xoşbәxtdirlәr. Hamımız – mәn dә, vәkil dә, hәtta onun
yaşlı anası da – әmәlli-başlı tәәccüblәnmişdik: insanların ac-
yalavac olduğu, bir qarnı ac, bir qarnı tox yaşadığı vaxtda

233