Page 228 - alberto moravia_Макет 1

Alberto Moravia

tamaşa elәyәn Mikele dua mәrasmi qurtarandan sonra kişidәn
soruşdu: necә olub ki, yevangelist olublar? Görünür, Mikele
bu sözün mәnasını bilirdi. Kişi başına gәlәnlәri danışmağa
başladı. Mәlum oldu ki, iki qardaşı ilә birlikdә işlәmәk üçün
Amerikaya gedibmiş. Orada protestant keşişlә tanış olublar.
Keşiş onları protestantlığın haqq dini olduğuna inandırıb,
onlar da yevangelistlәrin dininә keçiblәr.
Mikele ona Amerika barәdә suallar vermәyә başladı.
– Biz Neapolda gәmiyә mindik, Sakit okeanın sahilindәki
hansısa şәhәrdә quruya çıxdıq. Bundan sonra yolumuza qatarla
davam etdik. Nәhayәt, meşәliklәrlә dolu geniş әraziyә gәlib
çıxdıq, burada meşәqıran işlәmәyә başladıq. Gördüklәrimә
әsasәn, onu deyә bilәrәm ki, Amerikada çoxlu meşә var.
– Bәs şәhәrlәr necә?
– Böyük şәhәrlәr görmәdim. İşlәdiyimiz yerdә kiçik bir
şәhәr vardı… Düz iki il orada işlәdikdәn sonra hәmin yolla
geriyә, İtaliyaya qayıtdıq.
Mikele tәәccübünü gizlәdә bilmirdi – kişinin hekayәti ona
maraqlı gәlmişdi; bir az sonra Mikele mәnә dedi ki, Amerikada
çox böyük şәhәrlәr var, bu adamlar orada yalnız meşә görüblәr
vә elә bilirlәr ki, bütün Amerika meşәlәrlә örtülüdür.
Onlar hәlә bir müddәt dә Amerika barәdә söhbәt etdilәr,
amma artıq axşam düşürdü, çox lәngimәk olmazdı, ona görә
dә kişidәn xahiş etdim ki, bizim buraya nә üçün gәldiyimizi
unutmasın. Kişi әlini uzadıb, daxmanın çatısından iki baş
pendir götürdü vә qiymәtini dedi. Amma elә qiymәt dedi ki,
gözüm kәllәmә çıxdı: qıtlıq vaxtlarında belә, pendirә görә bu
qәdәr istәmәk insafsızlıq idi.
– Belә şey olar? Sәnin pendirin qızıldandır, nәdir? –
qiymәtә etiraz elәdim.
– Qızıldan da qiymәtlidir, çünki bu, pendirdir, – çoban
cavab verdi, – qızılı yeyә bilmәzsәn, amma pendir yemәlidir.
– Hәr şeyә baha qiymәt qoymağı sizә İncil öyrәdir? –
Mikele rişxәndlә söz atdı.
Kişi cavab vermәyincә, mәn sözümә davam etdim:

228