Page 210 - alberto moravia_Макет 1

Alberto Moravia

heç biri digәrinin mövqelәrini әlә keçirә bilmir. Hәkimlә vә
radio dinlәyәn bir çox başqaları ilә söhbәt etdikdәn sonra
Paride ingilislәrin uğursuzluğa düçar olmasının sәbәbini
öyrәnmişdi. Dediyinә görә, ingilislәr bir qadının ucbatından
qalib gәlә bilmәyiblәr. Bu sözlәr hamımızı tәәccüblәndirdi.
Paride dedi ki, әmәliyyata rәhbәrlik edәn amerikalı admiral,
sәn demә, alman imiş, amma bunu heç kәs bilmirmiş; admiralın
gözәl qızı bütün Avropada Amerika qoşunlarının komandanı
olan generalın oğlunun nişanlısı olub; amma generalın oğlu
qızla evlәnmәkdәn boyun qaçırıb, bütün hәdiyyәlәri vә nişan
üzüyünü qaytarıb, bununla da admiralı әmәlli-başlı tәhqir
edib. Onda alman әsilli admiral qisas almaq fikrinә düşüb vә
әmәliyyatın vaxtını gizlicә almanlara bildirib. Amma özünü
amerikalı kimi tanıtmış admiralın alman olduğu artıq üzә
çıxıb, onu hәbs ediblәr, tezliklә mәhkәmәsi olacaq vә aydın
mәsәlәdir ki, güllәlәyәcәklәr. Paridenin gәtirdiyi xәbәrlәr
dinlәyicilәri iki düşәrgәyә ayırdı; sadәlövh kәndlilәr başlarını
yellәyirdilәr:
– Yenә qadın, hәr şeydә qadın barmağı var… Nahaqdan
demәyiblәr ki, şeytan özü gedә bilmәdiyi yerlәrә qadını
göndәrir.
Digәrlәri Paridenin sözlәrinә etiraz edir, deyirdilәr ki,
radioda belә şeylәr danışmazlar.
– Bu mәlumatları radiodan eşitdiyinә әminsәn? – Mikele
ondan soruşdu.
Paride dedi ki, hәkim vә başqaları bu mәlumatları “Londonun
sәsi” radiosundan öz qulaqları ilә eşidiblәr.
– Bәlkә, bütün bunları bazar meydanında hansısa gopçudan
eşitmisәn?
– Nә danışırsan?
– Elә-belә dedim. Nә isә, bu, fırıldaqçı Qano hekayәtinin
yeni versiyasıdır. Söz yox, çox maraqlıdır.
İstehzanı başa düşmәyәn Paride bir daha tәkrarladı ki,

210