Page 193 - alberto moravia_Макет 1

Çoçara

xәstәliyinә tutulmuşdu, saçlarının bir hissәsi tökülmüş, yerdә
qalanını isә dibindәn qırxmışdılar. Әvvәllәr bu qızı çox
görmüşdüm, amma saçı qırxılandan sonra onu tanımadım.
Hәtta üzünün ifadәsi dә dәyişilmişdi, başı böyük, biçimsiz yu-
murtaya oxşayırdı. Ona qәdәr elә bilirdim ki, qadınların başı
bu cür tüksüz, keçәl ola bilmәz. Saçlarının haşiyәsindә bәnizi
pambıq kimi ağappaq görünürdü. Bu yerlәrә baxanda hәmin
qız yadıma düşdü. Tommazinonun evinә kölgә salan çinar
ağacları yarpağını tökmüş, tamamilә çılpaqlanmışdı; çayın
sahilindәki otlar qurumuş, әrazi böyük bir daşlığa çevrilmişdi.
Yol kәnarlarında vә çuxurlarda bitki deyilәn şey gözә dәymirdi.
Düzdür, әvvәllәr buraların bitki örtüyünә fikir vermәmişdim.
Amma indi dәrhal gözә dәyirdi ki, burada heç nә bitmir, yәni
әvvәllәr nәsә bitirmiş, sadәcә indi saçı tökülmüş qız kimi,
gözәlliyini itirib. Bu yerlәrin miskin görkәminә baxanda
ürәyim qısıldı – bütün bunlar bizim hәyatımızı xatırladırdı.
Qurtarmaq bilmәyәn müharibә bütün pәrdәlәri, örtüklәri
götürmüş, hәr şey öz gözәlliyindәn mәhrum olmuşdu.
Nә isә, gәlin başqa şeylәrdәn danışaq. Biz kәndarası yolla
addımlayarkәn, bir adamla rastlaşdıq. O, yaxşı bәslәnmiş iki
kәhәr atın yüyәnindәn çәkә-çәkә, harasa aparırdı. O dәqiqә
bilinirdi ki, alman atlarıdır, amma kişinin әynindәki mundiri
ilk dәfәydi görürdüm. Onunla bәrabәrlәşәndә, dönüb bizә
baxdı, sonra salam verdi vә bizimlә birgә addımlamağa başladı.
Yol gedә-gedә xeyli söhbәt etdik. İtalyanca çox pis danışırdı.
Çox cavan idi, iyirmi dörd-iyirmi beş yaşı olardı. Çox yaraşıqlı,
boy-buxunlu, enlikürәk oğlan idi, uzun ayaqlarına sarı çәkmә
geymişdi. Saçları qızılı rәngә çalırdı, badamşәkilli yaşıl-mavi
gözlәrindә dalğın, xәyalpәrәst bir ifadә vardı; burnu nazik,
düz vә uzun, әtli dodaqları qırmızı idi, gülәndә ağappaq, gözәl
dişlәri görünürdü. Bir sözlә, ona baxanda adamın ürәyi açılırdı.
Oğlan dedi ki, çox uzaqdan gәlib, özü dә rusdur. Adını da
dedi, amma yadımda qalmayıb. O, heç tövrünü pozmadan
bәyan etdi ki, ruslara xәyanәt edib, almanların tәrәfinә keçib,

193