Page 184 - alberto moravia_Макет 1

Alberto Moravia

– Gör yazıqlar nә gündәdir, ana… Bu gün Milad bayramıdır,
amma onlar acından ölür; kim bu әziz gündә öz evindә,
ailәsinin içindә olmaq istәmәz? Bu binәvalar isә çöllәrә
düşüblәr… Gәl onları nahara dәvәt edәk.
Fikirlәşdim ki, qız haqlıdır: özümü digәr qaçqınlar kimi
aparsam, mәn dә onların tayı olaram. Odur ki, ingilislәri
nahara dәvәt etdik, onlar dәvәtimizi böyük mәmnuniyyәtlә
qәbul etdilәr.
Rozettaya görә bayramı yaxşı keçirmәk istәyirdim – axı
indiyәcәn onu korluq çәkmәyә qoymamışdım, bayramları
ürәyi istәyәn kimi keçirmişdi. Ona görә dә bayram yemәyi
üçün bütün imkanlarımı sәfәrbәr etdim. Paridedәn toyuq alıb,
kartofla bişirdim. Unum az qalmışdı, amma xәmir yoğurub,
düşbәrә hazırladım. Bir neçә sosiskam da vardı, nazik-nazik
doğrayıb, üstünә bişmiş yumurta qoydum. Sonra bir neçә
quru meyvәni xırda-xırda kәsib, üstünә un, üzüm qurusu, sidr
cevizi, şәkәr tozu әlavә etdim, hamısını qarışdırıb, sobaya
qoydum. Çox yumşaq olmasa da, dadlı kökә alındı. Şәrabı da
Paridedәn aldım, üstәlik, bir şüşә Marsalam vardı. Onu mәnә
1
qaçqınlardan biri satmışdı. Meyvәmiz bol idi: Fondidә ağaclar
yaxşı bar verirdi deyә meyvә çox ucuz idi. Milad bayramından
bir neçә gün әvvәl әlli kilo portağal almışdım, indi bütün günü
portağal soyub yeyirdik. Fikirlәşdim ki, Mikeleni dә çağırmaq
lazımdır. Mikele yanımızdan keçib atasıgilә gedәndә onu da
dәvәt etdim. Dәrhal razılaşdı. Öz ailәsi ilә dil tapmadığı üçün,
deyәsәn, bu tәklif ürәyindәn oldu.
– Әziz Çezira, çox düzgün hәrәkәt elәdin, bu ingilislәri
dәvәt etmәsәydin, sәnә hörmәtimi itirәrdim.
Mikele atasını sәslәdi, atası pәncәrәdәn başını çölә çıxaranda
dedi ki, onu nahara dәvәt ediblәr, o da razılıq verib. İngilislәr
eşitmәsin deyә Filippo Mikeleni yavaşcadan dilә tutmağa
başladı:

1 Marsalam – çaxır növü
184