Page 179 - alberto moravia_Макет 1

Çoçara

fәrqindә deyilsiniz, әlinizә fürsәt düşsә, yenidәn oğurluq
edәrsiniz.
Mikelenin sözlәri qarabәnizi özündәn çıxardı, o sıçrayıb
ayağa qalxdı vә yoğun bir ağac parçası götürüb, bağırmağa
başladı:
– Sәsini kәs, yoxsa…
Mikelenin cavab vermәyinә ehtiyac qalmadı: sarışın istehzalı
sözlәrlә onu sakitlәşdirdi:
– Deyәsәn, sәni yenә pәrt elәdi axı…
Karmello hirsini Luicinin üstünә tökdü:
– Sәn nә üzlә danışırsan? Bәyәm biz bir yerdә deyildik?
Mәgәr o әrzaqdan sәn dә götürmәdin?
– Mәn razılaşmırdım, amma sәnә qulaq asmalı oldum, axı
mәnim rәisim idin. Nәdir, yenә pәrt oldun?
Sәhәr yemәyini sakitcә yedik. Karmello çox qәzәbliydi,
Luici isә altdan-altdan gülürdü.
Yemәkdәn sonra da bir müddәt heç kәs heç nә danışmadı.
Amma “oğru” adını özünә yaraşdırmayan Karmello birazdan
yenә meydan oxuyurmuş kimi üzünü Mikeleyә tutdu:
– Bilmәk olarmı siz kimsiniz? Kimsiniz ki, özünüzdәn
böyük vә tәcrübәli adamı oğurluqda ittiham edirsiniz? Özümü
tәqdim edim: adım Karmello Әlidir, zabitәm, torpaq
mülkiyyәtçisiyәm, hüquqşünas diplomum var, igidliyә görә
medalla tәltif olunmuşam, mәn – “İtaliya tacı” ordeni
kavaleriyәm. Siz kimsiniz?
Sarışın qımışa-qımışa sözә qarışdı:
– Niyә demirsәn ki, bizim kәnddә faşist tәşkilatının katibi
olmusan? Bunu niyә demirsәn?
Karmello narazılıqla başını yellәdi:
– Faşist tәşkilatı artıq yoxdur, ona görә demәdim… amma
sәn yaxşı bilirsәn ki, faşist tәşkilatının katibi olanda da heç bir
pis әmәlim olmayıb.
Sarışın gülә-gülә onun sözlәrinә düzәliş verdi:

179