Page 15 - alberto moravia_Макет 1

Çoçara

Qatar çölün düzündә dayandı. Rozettaya dedim ki, tez aşağı
düşüb, xәndәkdә gizlәnsin, özüm isә vaqonda qaldım, çünki
çamadanlar cürbәcür mallarla doluydu, yolyoldaşlarımdan isә
gözüm su içmirdi; çamadanı oğurlamaqdan asan nә var! Otura -
caq ların arasında döşәmәyә uzanıb başımı balışla örtdüm, Ro -
zet ta isә başqa sәrnişinlәrlә birgә qatardan düşüb, xәndәkdә
giz lәndi. Qatarı güllәbaran elәyәndәn sonra tәyyarә havada
dövrә vurub geri qayıtdı, düz başımızın üstündәn keçdi, mühәr -
rik sәsindәn, pulemyot şaqqıltısından qulağımız tutuldu – elә
bil qatarın üstünә dәhşәtli dolu yağırdı. Tәyyarә geriyә dönәndәn
sonra ortalığa qulaqbatıran sükut çökdü, hamı yenidәn vaqonlara
doluşdu vә yolumuza davam etdik. Mәnә barmaq boyda bir
güllә göstәrdilәr, kimi deyirdi Amerika istehsalıdır, kimi deyirdi
alman. Belә hallarda Rozettaya pıçıldayırdım:
– Sәnә cehiz almalıyıq, pul toplamalıyıq. Axı әsgәrlәr
gec-tez müharibәdәn qayıdır. Baxmayaraq ki, hәr vәchlә onları
öldürmәyә çalışırlar… Biz dә evә dönәcәyik, narahat olma!
Rozetta susub heç nә demirdi, ya da cavab verirdi ki, mәn
hara getsәm, o da mәnimlә gedәcәk. Yumşaqtәbiәtli qız idi,
heç mәnә oxşamırdı: Allaha and olsun, mәlәk kimiydi, elә bil
göydәn enmişdi.
Tez-tez ona deyirdim:
– Dua elә, Allaha yalvar ki, müharibә tez qurtarmasın…
Onda cehizin dә olacaq, pulun-paran da.
Cavab vermirdi, yalnız hәrdәn köks ötürürdü. Nәhayәt,
bir gün öyrәndim ki, sevgilisi var, özü dә cәbhәdә vuruşur.
Rozetta onu itirmәkdәn qorxurdu. Sevgilisi Yuqoslaviya
cәbhәsindә döyüşürdü. Onlar mәktublaşırdılar. Öyrәndim ki,
yaxşı oğlandır, Pontekovoda doğulub, orada ata-anasının
torpağı var. Oxuyub mühasib olmaq istәyirmiş, ancaq orduya
çağırıldığı üçün tәhsili yarımçıq qalıb, qayıdıb gәlәndәn sonra
davam etdirmәk istәyir. Rozettaya dedim:

15