Page 140 - alberto moravia_Макет 1

Alberto Moravia

Mikelenin bu hәrәkәti onun haqqında qәnaәtimi daha da
möhkәmlәndirdi. Onun uşaqkәn keşiş olmaq istәdiyini eşidәndәn
sonra mәnә elә gәlirdi ki, dinә qarşı sәslәndirdiyi fikirlәrә
baxmayaraq, Mikele Filippo vә digәr qaçqınlar kimi adi
adamlardan daha çox, din xadiminә oxşayır. Kәndlilәrin ona
qulaq asmadığını görüb cin atına minәn Mikele moizә oxuyarkәn
şuluqluq salan adamlara hirslәnmiş kәnd keşişinә oxşayırdı.
Onların arasında yalnız bir fәrq ola bilәrdi: kәnd keşişi bu cür
ifadәlәr işlәtmәzdi. Mikele adi adam yox, bütün insanları gü-
nahkar sayan ruhani kimi davranırdı, ona elә gәlirdi ki, hamını
doğru yola sövq etmәk onun borcudur. Mikelenin xarakterini
göstәrmәk üçün kiçik bir faktı da diqqәtinizә çatdırım –
yuxarıda dediyim kimi, o, heç vaxt qadınlar vә sevgi barәdә
danışmırdı. Mәnә elә gәlirdi ki, o ümumiyyәtlә, qadınları
tanımır. Ona görә yox ki, indiyәcәn qadınlarla yaxından tanış
olmaq imkanı olmamışdı, ona görә ki, öz yaşıdlarına heç
oxşamırdı. Sizә danışmaq istәdiyim hadisә dә bu fikri tәsdiqlәyir.
Rozetta hәr sәhәr yataqdan qalxandan sonra lüt soyunub,
soyuq su ilә çimirdi. Mәn gedib quyudan su çәkir, gәtirib
Rozettaya verirdim. O, vedrәnin yarısını dәrhal başına әndәrir,
sonra sabunlanıb, yerdә qalan suyla yuyunurdu. Rozetta çox
tәmizkar qız idi; Sant-Yeufemiyaya gәlәn kimi mәni mәcbur
etdi ki, kәndlilәrin evdә hazırladığı sabundan alım. Dağlarda
qış düşәndәn sonra, soyuq iliyә işlәdiyi vaxtlarda belә, sәhәrlәr
çimmәyindәn qalmırdı. Baxmayaraq ki, qışda su çox soyuq
olurdu, suyu quyudan çәkmәk üçün buzu sındırmalı olurdum.
Bu zaman soyuqdan qollarım keyiyir, kәndir әllәrimi sıyırırdı.
Bir neçә dәfә mәn dә Rozetta kimi yuyunmağa cәhd elәmişdim,
amma hәr dәfә nәfәsim tutulmuş, huşumu itirmәk dәrәcәsinә
gәlib, bu fikirdәn daşınmışdım. Bir dәfә sәhәr tezdәn Rozetta,
hәmişәki kimi, bir verdә buzlu suyla çimdi, ayaqları çirklәnmәsin
deyә taxta parçasının üstünә çıxıb, qurulanmağa başladı.
Mehriban, mәsum sifәti, iri gözlәri, bir qәdәr uzun burnu vә

140