Page 137 - alberto moravia_Макет 1

Çoçara

tez uzanırdılar. Analarının yanında yerini rahatlayan uşaqlar
artıq yuxuya getmişdilәr. Mikele cibindәn kiçik bir kitab
çıxardı, oxumağa başlamamış dedi:
– Çezira sevgi haqqında hekayәt dinlәmәk istәyir, sizә bu
barәdә oxuyacağam.
Qadınlardan biri, maraq güc gәldiyi üçün yox, bәlkә dә,
nәzakәt xәtrinә soruşdu ki, belә bir hadisә olub, yoxsa
uydurulmuş hekayәtdir? Mikele dedi ki, ola bilsin, uydurulub,
amma real hadisә dә ola bilәr. O, danışa-danışa kitabı açıb,
gözlüyünü taxdı. Nәhayәt, bildirdi ki, İsa Mәsihin hәyatından,
İncildә bәhs olunan bir neçә epizod oxuyacaq. Hamımız mәyus
olduq, çünki әsl sevgi romanı dinlәmәyә hazırlaşırdıq, bundan
başqa, dini mövzular bizә darıxdırıcı gәlirdi. Bәlkә dә, ona
görә ki, biz dinә mükәllәfiyyәt kimi yanaşdığımız üçün heç
bir mәmnunluq hiss etmirik. Paride hamının әvәzinә Mikeleyә
dedi ki, İsa Mәsihin hәyatını bilirik, bu, bizә yeni heç nә
vermәyәcәk. Rozetta susurdu, o yalnız otağımıza gәlәndәn
sonra fikrini bildirdi:
– Paride İsa Mәsihә inanmır, inanmasın, heç olmasa, onun
barәsindә ağzına gәlәni danışmasın.
Qız acıqlı danışırdı, amma sәsindә kin-küdurәt hiss olun-
murdu, çünki hamımız kimi, onun da Mikeledәn xoşu gәlirdi…
Cavabında Mikele gülümsünüb Paridedәn soruşdu:
– Buna әminsәn? – sonra bәyan etdi ki, bizә Lazarın
hәyatı ilә bağlı bir epizod oxuyacaq. – Onu tanıyırsınız?
Lazarın adını hamımız eşitmişdik, amma Mikelenin sualından
sonra mәlum oldu ki, onun kimliyindәn, nә işlә mәşğul
olduğundan xәbәrimiz yoxdur. Bәlkә dә, Rozetta nәsә bilirdi,
amma bu dәfә o, ağzını da açmadı.
– Görürsünüz? – Mikele sakit, amma qalibanә sәslә dedi.
– Deyirsiniz, İsa Mәsihin hәyatını bilirik, ancaq Lazarın
kimliyindәn xәbәriniz yoxdur. Baxmayaraq ki, bu epizod
ikona larda әks olunub, Fondi kilsәsindә dә belә bir ikona var.

137