Page 128 - alberto moravia_Макет 1

Alberto Moravia

kәsәndә, görürsәn içәridәn çürüyüb. Әsgәrin gözlәri maviydi,
amma yaraşıqlı deyildi; soluxmuş, ifadәsiz gözlәr sanki şüşәdәn
düzәldilmişdi. Severino fәxrlә bildirdi ki, Hansla dostlaşıb,
çünki müharibәdәn әvvәl Hans da onun kimi dәrzi işlәyib,
ona görә tez dil tapıblar. Severino başına gәlәn hadisәni yerli-
yataqlı danışıb, Hans da söz verib ki, rulonları tapmaqda
kömәyini әsirgәmәyәcәk. Çünki özü dә dәrzi olduğundan
Severinonun müsibәtini hamıdan yaxşı başa düşür. Bir sözlә,
Hans polis deyildi vә tәk gәlmişdi, heç bir rәsmi mükәllәfiyyәt
daşımırdı. Amma hәr halda, alman hәrbi geyimindәydi, boy-
nundan avtomat asılmışdı vә özünü alman әsgәri kimi aparırdı.
Odur ki, hamı onun başına toplaşıb, bir-birinin sözünü kәsә-
kәsә, nәsә soruşmaq istәyirdi. Biri soruşdu ki, müharibә nә
vaxt qurtaracaq, o biri Rusiya haqqında sual verdi, başqa
birisi ingilislәrin döyüşә girib-girmәyәcәyi ilә maraqlandı…
Suallar çoxaldıqca, Hans vacib görkәm alır, qoltuğunun altı
şişirdi. Dedi ki, müharibә tezliklә başa çatacaq, çünki almanların
gizli silahı var; ruslar yaxşı vururşur, amma almanlara çata
bilmәzlәr; yaxın vaxtlarda almanlar ingilislәri kürüyüb dәnizә
atacaq. Hansın dediklәrinә qulaq kәsilәn Filippo onu Severino
ilә birlikdә nahara dәvәt etdi.
Artıq Rozetta ilә yemәyimizi yemişdik, buna baxmayaraq,
mәn dә nahara getdim; almanı yaxından görmәk istәyirdim,
necә olsa da, buralara gәlib çıxan ilk alman idi. Mәn içәri
girәndә onlar nahar elәyib qurtarmışdılar, artıq meyvәyә
girişmişdilәr. Almanlara nifrәt edәn Mikele dә daxil olmaqla,
Filipponun bütün ailәsi buradaydı. Hans vacib görkәm alıb,
tezliklә almanların ingilislәri mәğlub edәcәyini deyәndә Mikele
ona elә hirsli-hirsli baxırdı ki, adam әsgәrә görә narahat
olurdu. Mәnә elә gәlirdi ki, indicә Mikele qalxıb, ona yumruq
ilişdirәcәk. Alman isә içdikcә daha da qızışır, ağlına gәlәni
danışırdı. O, tez-tez әlini Severinonun çiyninә vurur, deyirdi,
nәyin bahasına olur-olsun, rulonları tapıb qaytaracaq, çünki
ikisi dә dәrzidir vә qәbir evinәcәn dostdurlar. Sonra portmanatını

128