Page 127 - alberto moravia_Макет 1

Çoçara

italyan faşistlәr kimi cinayәtkar, quldur deyillәr; almanlar
onun rulonlarını mütlәq tapıb qaytaracaq, oğru italyan faşistlәri
cәzasız qoymayacaqlar. Filippo almanları hamıdan çox
tәriflәyirdi:
– Onlar ciddi insanlardır, hәr şeyi ölçüb-biçirlәr… dalaşmaq,
barışmaq, alver elәmәk mәsәlәlәrindә almanların әvәzi yox-
dur… Severino düz elәyib ki, onları kömәyә çağırıb… almanlar
biz italyanlar kimi anarxist, avara deyil… onlar nizam-intizama
ciddi fikir verirlәr, müharibә dövründә oğurluq elәyәnlәri isә
çox pis cәzalandırırlar. Әminәm ki, Severinoya kömәk elәyib,
yaramaz faşistlәrin “payını” verәcәklәr… afәrin, Severino!
İndi İtaliyada kimin sözü keçir? Almanların! Demәli, elә
onlara da şikayәt etmәk lazım idi.
Filippo ucadan danışa-danışa tәşәxxüslә bığını sığallayırdı.
Deyәsәn, o, öz şәrikinin evindә gizlәtdiyi әşyalarının taleyini
fikirlәşirdi. Filippo mәmnun idi: Severinonun rulonları tapılsa,
tәhlükә nisbәtәn azalar – oğrular ürәk elәyib, onun gizlәtdiyi
әşyalara göz dikmәzlәr.
Birazdan cığırda adamlar göründü. Diqqәtlә baxıb gördük
ki, silahlı dәstә әvәzinә, Severinonu yalnız bir alman müşayiәt
edir. Özü dә hәrbi polis yox, adi әsgәr idi. Onlar maçeraya
qalxan kimi üzündәn xoşbәxtlik yağan Severino almanı bizә
tәqdim etdi. Dedi ki, әsgәrin adı Hansdır, italyancada Covanni
demәkdir. Hansı dövrәyә aldıq, hamı әlini uzadıb onunla
salamlaşmaq istәyirdi, amma o, heç kimә әl uzatmadı, yalnız
çәkmәsinin dabanlarını bir-birinә vurub, әlini furajkasına
aparmaqla kifayәtlәndi. Bununla göstәrmәk istәyirdi ki, heç
kimlә münasibәt qurmaq fikrindә deyil. Hans alçaqboylu,
sarışın oğlan idi, ombası qadın ombası kimi enliydi, şişkin
sifәtindә iki-üç dәrin çapıq vardı. Bu barәdә suala isә qısa
cavab verdi:
– Stalinqradda yaralanmışdım.
Bu çapıqlar onun mülayim sifәtini budaqdan düşüb әzilmiş
şaftalıya, ya almaya bәnzәdirdi: çox zaman belә almaları

127