Page 122 - alberto moravia_Макет 1

Alberto Moravia

görmәmişdi. Tezliklә baş verәn hadisәlәrdәn sonra faşistlәrin
hansı yuvanın quşu olduğunu biz dә gördük. Bunu sizә
danışmaq istәyirәm, çünki mәhz hәmin gündәn etibarәn
müharibә Sant-Yeufemiyaya da gәldi vә bir daha bizi tәrk
etmәdi.
Filippo ilә qumar oynayan qaçqınların arasında Severino
adlı cavan dәrzi vardı. Alçaqboylu, sarıbәniz adam idi, qara
bığları vardı, hәmişә bir gözünü qırpırdı, sanki kimәsә göz
vururdu, әslindә isә bu, onun peşә vәrdişiydi, çünki öz
dükanında oturub paltar tikәrkәn hәmişә bir gözünü qıymalı
olurdu. Fondini ilk dәfә bombalamağa başlayanda Severino
başını götürüb qaçmışdı vә indi biz qalan yerin yanında arvadı
vә qızıyla birgә kiçik bir ev kirayәlәyirdi. Arvadı da özü kimi
balacaboy, әdәbli bir qadın idi. Severino hamıdan çox narahat
görünürdü, çünki müharibә gedә-gedә bütün pullarını qoyub,
italyan vә ingilis parçası almış, rulonları “etibarlı” yerdә
gizlәtmişdi. Ancaq görünür, gizlәtdiyi yer elә dә etibarlı
deyilmiş, çünki öz rulonlarına görә çox narahat idi. Severino
faşistlәr, müharibә, bombardmanlar haqqında fikirlәri bir
kәnara qoyub, gәlәcәk barәdә düşünmәyә başlayan kimi
ümidlәnir, bütün narahatlığı keçib gedirdi. Onu dinlәmәyә
razılıq verәn hәr kәsә Severino öz planını başa salmağa
çalışırdı – dediyinә görә, davadan sonra o, böyük varidat
sahibi olacaqdı. Plan bundan ibarәt idi: müharibә qurtaran
kimi, normal hәyat bәrpa olunana qәdәr altı ay, bir il vaxt
lazım olacaq, bu vaxtdan istifadә etmәk lazımdır: hәmin
müddәtdә әmәlli-başlı qıtlıq yaranacaq, İtaliyanın başı cәbhәdәn
qayıdan әsgәrlәrә qarışacaq, alver elәmәk çәtinlәşәcәk, bәlkә
dә, heç mümkün olmayacaq. Bu altı ay, bir il әrzindә Severino
öz rulonlarını maşına yüklәyib, Romaya aparmağı, orada baha
qiymәtә satıb birdәn-birә varlanmağı planlaşdırırdı. Sonralar
mәlum oldu ki, Severino çox yaxşı plan qurubmuş – o, qiymәt
mexanizmini Sant-Yeufemiyadakı adamların hamısından yaxşı
bilirdi. Bilirdi ki, bazardan mallar azaldıqca qiymәtlәr qalxacaq,

122