Page 114 - alberto moravia_Макет 1

Alberto Moravia

vermәyib, yaşıdları necә, o da elә. O, Fondidә, öz ailәsindә
böyümüşdü, mәktәbdә oxumuşdu, başqa oğlanlar kimi әvvәlcә
2
1
balilla , sonra isә avanqardist olmuşdu. Bundan sonra Roma
Universitetinә qәbul olunmuş, bir neçә il burada oxumuşdu.
Romada Mikele maqistrat dayısının evindә qalırmış. Vәssalam.
O, heç vaxt xaricә getmәmişdi, elә İtaliyanın özündә dә Fondi,
Roma vә bir neçә şәhәrdәn savayı, heç yerdә olmamışdı. Bir
sözlә, onun başına heç bir iş gәlmәmişdi, nә baş vermişdisә,
yalnız beyninin içindә, fikirlәrindә olmuşdu. Mәncә, Mikele
qadınlarla da yaxınlıq etmәmişdi – qadınlar tәcrübәsiz
yeniyetmәlәrin gözünü hәyata açmağa qadirdir. Mikelenin
özü dә deyirdi ki, heç vaxt qız sevmәyib. Belә başa düşdüm
ki, olsa-olsa, nә pulu, nә dә tanışlığı olan başqa oğlanlar kimi,
Mikele dә hәrdәnbir küçә qadınlarının yanına gedir. Belәliklә,
axırda bu fikrә gәldim ki, bu әqidә onda özünün dә xәbәri ol-
madan, kortәbii şәkildә formalaşıb. Bu, bәlkә dә, ziddiyyәtlәrdәn
doğan qәnaәt idi. İyirmi ildi faşistlәr sәsini başına atıb, yeri
gәldi-gәlmәdi, Mussolininin dahi olduğunu bәyan edirdi.
Amma hәyata yenicә atılmış Mikele günәşә doğru can atan
bitkilәrsayağı, heç nәyә mәhәl qoymadan bunun әksini
söylәyirdi. Әlbәttә, bunun arxasında mәnim kimi kasıb, avam
qadının başa düşmәdiyi nәsә sirli bir şey dayanır, ancaq
bilirdim ki, uşaqlar çox vaxt ata-anaların öyrәtdiyinin әksini
elәyir. Ona görә yox ki, valideynlәrin haqsız olduğuna әmindirlәr,
ona görә ki, öz hәyatlarını yaşamaq, başqa cür olmaq istәyirlәr;
ata-analar öz istәdiklәri kimi yaşayırlarsa, uşaqlar niyә
yaşamasın? Mәncә, Mikele dә bu uşaqlardan biriydi. O, faşist
tәrbiyәsi görmüşdü, onu da faşist elәmәk istәyirdilәr, amma o
canlı insan idi, öz bildiyi kimi yaşamaq istәyirdi, elә buna
görә dә antifaşist olmuşdu. Sant-Yeufemiyada, Mikele, demәk

1 Balilla – faşist uşaq tәşkilatının üzvü
2 Avanqardist – faşist yeniyetmәlәr tәşkilatının üzvü

114