Page 332 - book-online

ìÿä Àüàîüëó

– Bilirsәnmi, qәzet bağlanacaq.
– Niyә?
Mәsәlәni izah etmәyә başladı.
– Nә etmәk olar? Özünü çox üzmә. Ayrısını çıxararsan.
Xәstә qadın hәmsöhbәtinin әlindәn tutub dodaqlarına
yaxınlaşdırır:
– Birinci dәfә deyil ki!
Onu İstanbula köçmәyә vadar edәn başlıca sәbәb
anamın xәstәliyi idi. Ufaq-tәfәk qadın olan anam hәmişә
әrinin müşküllәrlә dolu hәyatına şәriklik etmәyә özündә
güc vә qüvvәt tapmışdı. Lakin illәrlә davam edәn bu
fәdakarlığı, sәhhәtinin hәlә gәnc sayılacaq yaşda tamam
pozulmasına gәtirib çıxarmışdı. Atamın Malta әsarәti
dövründә başlayan ağır ürәk vә qaraciyәr xәstәliyi
Keçiörәndә yaşadığımız illәrdә dә davam etdi. Ankaranın
yüksәk dağ havası ona pis tәsir edir, günün böyük
hissәsini yataqda keçirirdi. Bizә yazdığı mәktublarda
atam İstanbula köçmәsindә xәstәlik amilinin nә qәdәr
mühüm olduğuna diqqәti çәkirdi: “Ananı görsәn, tanı-
mazsan. Əvvәlki ağrılarından vә keçirdiyi böhranlı hallar-
dan әsәr-әlamәt qalmayıb. Yalnız ananın get-gedә ağır-
laşan vәziyyәti mәni İstanbula köçmәyә sövq etdi, burada
ev almağa qәrar verdirdi”.
İstanbula köçmәlәri, hәqiqәtәn dә, ilk vaxtlar anama
yaxşı tәsir göstәrmişdi. Atam başqa bir mәktubunda bu
barәdә yazırdı: “Ananın sәhhәti tam vә kamildir. Ağrılar,
böhranlar tamam keçib gedib. Rәngi-ruhu düzәlib. Bir
az әtә-qana gәlib, gәnclәşib vә mәnim әski eşqimi yenidәn
canlandırıb”.
Lakin heyhat! Bu müvәqqәti vә aldadıcı dәyişiklik
idi. Uzun, çәtin illәrin davamlı iztirabları yenidәn başlan-
mışdı. Atamın baş redaktoru olduğu qәzetin bağlandığı,

332