Page 322 - book-online

ìÿä Àüàîüëó

Atamın, sәfalәt vә siyasәt cәfaları altında biri-birinin
ardınca ölәn bu keçmiş günlәrini xilas etmәk üçün Böyük
Fransa inqilabının gәnc vә hәris Sen-Jüstünü xatırladan
bir adamla saatlarca nә barәdәsә danışdığını gördüm.
Sen Jüstün sifәti daş heykәl kimi hәrәkәtsiz idi. Çünki
allahlar qәrarlarını әvvәlcәdәn vә pozulmasına әsla
imkan saxlamadan verirlәr.

Ondakı bu taleyә, qәdәrә inamın hansısa dini mәn-
şәyinin olub-olmadığını bilmirәm. Atamın nәzәrindә din
insanları bir millәt halında yoğurub-yapan amillәrdәn
biri idi. İnsanların belә ülvi hissdәn mәhrum edilmәlәrini
istәmәzdi. Allah fikrinә, klassik dini axtarışlara vardığını
da düşünmürәm. Ölümünün yaxınlaşdığı günlәrdә artıq
özünә dә әyan olmuş aqibәtini dindәn tamamilә ayrı
olan bir tale hadisәsi kimi qarşıladı vә buna uyğun
şәkildә hәrәkәt etdi.

Nәhayәt, atamı Keçiörәnә bağlayan bir sәbәb dә
onun öz yuvasını qurmaq üçün duyduğu böyük istәk
vә eşq idi.

“Hәyatım boyu dәfәlәrlә hәmişәlik yaşamaq niyyәti
ilә ev tikdim. Lakin tarix hәr bir tәsadüfdә buna tam
müvәffәq olmağıma imkan vermәdi”.

Molla Güranidә Fatih yanğını nәticәsindә bir topa
kül yığınına çevrilib havaya sovrulan, Ərәnköydә ikiyaşlı
oğlunu qara torpaqlara tapşırandan sonra bir dә sәmtinә
belә uğramaq istәmәdiyi yuvalarından yan ötәrәk, yalnız
ömrünün әlli ikinci ilindә Keçiörәndә hәqiqi böyük ailә
yuvasını qura bilmişdi.

Bir ailә başçısı kimi rәhbәr tutduğu hisslәr pәdәrşahi
(patriarxal – V.Q.) әnәnәlәrin nәsildәn-nәslә keçәn qay-
da-qanunlarına mütlәq riayәt şәklindә tәzahür edirdi.

322